Víctor de Silva Posada

Víctor de Silva Posada, nado en Mondoñedo o 25 de abril de 1858 e finado na mesma vila o 27 de decembro de 1925, foi un escritor, historiador e xornalista galego.

Víctor de Silva Posada

Biografía
Nacemento	25 de abril de 1858 Mondoñedo, España
Morte	27 de decembro de 1925 (67 anos) Mondoñedo, España
Actividade
Ocupación	escritor, historiador, xornalista
Membro de	Real Academia Galega (membro correspondente)

Traxectoria

Especializado en estudos históricos. Colaborou en El Hermandino e foi redactor de La Juventud e El Reparador de Mondoñedo. Publicou artigos en El Diario de Lugo, La Mañana, Galicia Diplomática, La Voz de Galicia, El Regional, Diario de Pontevedra, El Lucense, El Eco de Vivero e Galicia Recreativa. O seu “Episcopologio Mindoniense”, que comezou a publicarse por capítulos en El Lucense en 1891, quedou ás portas de ver a luz como libro. Militou no Partido Liberal e foi concelleiro de Mondoñedo. Foi membro correspondente da Real Academia da Historia e da Sociedade Económica de Amigos del País. Foi soterrado no Cemiterio Vello de Mondoñedo.

Véxase tamén

Bibliografía

• Somoza, Juan Ramón (1915). Semblanzas. Lugo: Gerardo Castro. pp. 30–34. Arquivado dende o orixinal o 28 de maio de 2024. Consultado o 28 de maio de 2024. 

Ligazóns externas

• Hai 90 anos que morreu Víctor de Silva Posada