Wladimir Köppen

Wladimir Peter Köppen, nado en San Petersburgo o 25 de setembro de 1846 e finado en Graz, Austria, o 22 de xuño de 1940, foi un xeógrafo, meteorólogo, climatólogo e botánico ruso de ascendencia alemá que desenvolveu a súa carreira científica en Alemaña e Austria. A súa grande contribución foi a clasificación climática de Köppen, aínda usada hoxe en día, con algunhas modificacións, para clasificar os climas da Terra, baseándose case en exclusiva nos datos de temperaturas e precipitacións.

Wladimir Köppen

(1921)
Nome orixinal	(de) Vladimir
Biografía
Nacemento	25 de setembro de 1846 (Xuliano) San Petersburgo (Imperio Ruso)
Morte	22 de xuño de 1940 (93 anos) Graz (Alemaña nazi)
Educación	Universidade Estatal de San Petersburgo Universidade de Leipzig Universidade de Heidelberg
Actividade
Campo de traballo	Xeografía, meteoroloxía e Climatoloxía
Ocupación	xeógrafo, meteorólogo, botánico, científico da Terra, esperantista, climatólogo
Empregador	Deutsche Seewarte (en) (1875–1919) The Voeikov Main Geophysical Observatory (en) (1872–1875)
Membro de	Leopoldina Academia Prusiana das Ciencias Sociedade Geográfica Russa (pt)
Carreira militar
Conflito	Guerra franco-prusiana
Obra
Obras destacables (1884) Clasificación climática de Köppen
Familia
Fillos	Else Köppen, filla
Pais	Peter von Köppen   e Alexandra Fedorovna Adelung
Irmáns	Friedrich Köppen
Premios
(28 de marzo de 1937)  Adlerschild des Deutschen Reiches  doutor honoris causa pola Universidade de Graz
Descrito pola fonte	Pequeno Dicionario Enciclopédico de Brockhaus e Efron Dicionario Enciclopédico Brockhaus e Efron Obálky knih,

Traxectoria

De pais alemáns, naceu en Rusia e estudou en Crimea. Doutorouse en Leipzig en 1870 cun estudo sobre os efectos da temperatura no crecemento das plantas. En 1875 empezou a traballar no Observatorio Naval alemán de Hamburgo, onde se fixo responsable do seu servizo de predición meteorolóxica.

A partir de 1884 empezou a traballar nunha clasificación exhaustiva dos climas da Terra, empresa que non culminou ata o 1918, cando publicou a versión completa da súa clasificación, aínda que posteriormente el mesmo lle fixera varias modificacións, datando a última de 1936.

Tamén realizou estudos de paleoclimatoloxía xunta ao seu xenro Alfred Wegener, famoso pola súa teoría da deriva continental e colaborou co climatólogo alemán Rudolf Geiger na elaboración dos cinco volumes da súa obra Handbuch der Klimatologie (Manual de Climatoloxía, en tradución literal ao galego).

Véxase tamén

Ligazóns externas

• Clasificación climática de KöppenArquivado 10 de xaneiro de 2020 en Wayback Machine. (en castelán)