Modesto Moyrón Arias
Modesto Moyrón Arias, nado no Barco de Valdeorras cara a 1890 e finado en Guadalaxara (México) o 21 de marzo de 1975, foi un funcionario e xornalista galego.
| Biografía | |
|---|---|
| Nacemento | 1890  O Barco de Valdeorras, España |
| Morte | 21 de marzo de 1975 (84/85 anos) Guadalaxara, México |
| Actividade | |
| Ocupación | funcionario, xornalista |
| Familia | |
| Pai | Modesto Moyrón Carreras |
Traxectoria
editarFillo de Modesto Moyrón Carreras. Sarxento de Infantaría no Protectorado Español de Marrocos dende 1914 represaliado pola ditadura de Primo de Rivera. Trasladouse a Madrid en 1931, onde traballou como empregado e foi redactor de El Imparcial. Membro do Partido Comunista de España e afiliado á UGT. Na guerra civil foi conselleiro de Instrución Pública e secretario xeral do Servizo Nacional de Crédito Agrícola. Foi presidente executivo do Comité nacional de Refuxiados. Coa derrota da República exiliouse en Perpiñán.[1] O 24 de maio de 1939 embarcou no Sinaia no porto de Sète (Hérault) rumbo a México, chegando a Veracruz o 13 de xuño.
Vida persoal
editarCasou con Antonia Matamala Ramos e foi pai de Miguel, Antonio, Fernando e Modesto Moyrón Matamala.[2]