Mead (cráter)

Mead é o cráter de impacto máis grande do planeta Venus, e fica exactamente nas coordenadas 12,5° N 57,2° E. Ten máis de 270 km de diámetro e posúe dous aneis concéntricos cara ao bordo do cráter. O seu chan semella ter unha morfoloxía moi semellante ás chairas que rodean o cráter.

Mead
Datos xerais
Tipo	Cráter de impacto
Corpo astronómico	Venus
Epónimo	Margaret Mead
Datos xeográficos
Coordenadas	12°30′N 57°12′L
Diámetro	270 km
Localización
Identificadores
GoPN	3787

Mead está clasificado coma un cráter de múltiples aneis, e considerase que a escarpa máis interior é o bordo da cavidade orixinal do cráter. Non se observa ningún anel central ou pico central en Mead. A presenza de moitos grumos, brillantes ó radar que cruzan o chan escuro ó radar do cráter e os terreos adxacentes ás cristas dos bordos do cráter, suxiren a probabilidade de que o chan sexa único bloque que é concéntrico á cavidade orixinal do cráter pero que se estende moito máis aló dos límites das cristas do bordo do cráter. O chan plano e que vai sendo máis brillante cara ó interior é interpretado como o resultado dun proceso de recheo da cavidade orixinal do cráter por parte de rochas fundidas debido ó calor do impacto inicial ou polo recheo de lavas de orixe volcánica. Cara ó sueste dos bordos do cráter, o material expulsado polo impacto parece ser que foi detido pola presenza de cadeas montañosas preexistentes, impedindo así un proceso normal de deposito deste material.

Recibiu o seu nome en honra a antropóloga americana Margaret Mead.

Véxase tamén

Outros artigos

• Barton (cráter)
• Isabella (cráter)
• Dickinson (cráter)

Ligazóns externas

• Imaxe do cráter Mead Arquivado 17 de xaneiro de 2006 en Wayback Machine.