Dickinson (cráter)
Dickinson é un cráter de impacto situado no nordés da rexión de Atalanta Planitia do planeta Venus, concretamente está nas coordenadas 74,6° N 177,2° E.[1] Ten 67,5 km de diámetro e é un cráter complexo, onde o pico central en realidade é parcialmente un anel, este anel está rodeado dunha área de material brillante e ten outro anel concéntrico de material escuro rodeando este material brillante que rodea ó anel central do cráter. O material expulsado no impacto rodea o cráter cunha serie de cristas concéntricas, excepto na cara oeste. A ausencia deste material na cara oeste podería indicar que precisamente o impacto veu desa dirección. Os extensos terreos brillantes ó radar que se estenden dirección leste a partir das paredes do cráter poderían ser grandes volumes de material fundido expulsado polo impacto, ou poderían ser material volcánico liberado pola superficie durante o posterior proceso de craterización.[2]
 Dickinson | |
|---|---|
  | |
| Datos xerais | |
| Tipo | Cráter de impacto |
| Corpo astronómico | Venus |
| Epónimo | Emily Dickinson |
| Datos xeográficos | |
| Coordenadas | 74°36′N 177°12′L / 74.6, 177.2 |
| Diámetro | 67,5 km |
| Cuadrángulo | Ishtar Terra quadrangle (en)  e Atalanta Planitia quadrangle (en) |
| Localización | |
  | |
| Identificadores | |
| GoPN | 1528 |
O cráter recibiu o nome da poeta americana Emily Dickinson.[1]
Notas
editar- ↑ 1,0 1,1 USGS Astrogeology (ed.). "Planetary Names: Crater, craters: Dickinson on Venus". Gazetteer of Planetary Nomenclature. Consultado o 01-12-2011.
- ↑ JPL/NASA (ed.). "Venus - Complex Crater 'Dickinson' in NE Atalanta Region". Photojournal. Consultado o 01-12-2011.