Luís Sánchez Arrieta
Luís Sánchez Arrieta, nado en Lugo cara a 1892[1] e finado na mesma cidade en febreiro de 1963,[2] foi un enxeñeiro, político e xornalista galego.
| Biografía | |
|---|---|
| Nacemento | c. 1892  Lugo, España |
| Morte | febreiro de 1963 (70/71 anos) Lugo, España |
| Actividade | |
| Ocupación | xornalista, enxeñeiro, político |
| Familia | |
| Pai | Victoriano Sánchez Latas |
Traxectoria
editarFillo de Victoriano Sánchez Latas. Estudou en Francia e fíxose enxeñeiro industrial. Concelleiro en Lugo na ditadura de Primo de Rivera, foi primeiro tenente alcalde e alcalde interino en varias ocasións.[3] Tamén foi deputado provincial. Foi vogal da Directiva da Federación Católico-Agraria de Lugo en 1927[4] e presidente en 1929. Foi designado director de La Voz de la Verdad en decembro de 1930 para substituír a Francisco Vázquez Saco,[5] e do que quedou como único propietario.[6] Na ditadura franquista ingresou na Unión Nacional de Cooperativas del Campo onde levou o departamento de abonos químicos.
Vida persoal
editarCasou con Amparo Polidura Ortega.
Notas
editar- ↑ "Circular nº 297". Boletín Oficial de la Provincia de Lugo: 1. 2 de setembro de 1911.
- ↑ "Fallecimiento de Don Luis Sánchez Arrieta". Campiña (165): 5. Marzo de 1963.
- ↑ El Regional, 17-5-1927, p. 2.
- ↑ Vida Gallega, 20-12-1927, p. 45.
- ↑ El Compostelano, 3-12-1930, p. 3.
- ↑ Teijeira, Mari Paz; de la Torre, María (1997). A prensa en Lugo, dous séculos de historia. Lugo: Deputación de Lugo. p. 114. ISBN 84-8192-110-6.