Jesús Puente Fontanes

Jesús Ignacio Puente Fontanes, nado na Cardavella (parroquia de Guimarei, no concello da Estrada) o 19 de outubro de 1898 e finado en Pontevedra o 5 de xuño de 1937, foi un político galego.

Jesús Puente Fontanes

Biografía
Nacemento	19 de outubro de 1898 A Cardavella, España
Morte	5 de xuño de 1937 (38 anos) Pontevedra, España
Causa da morte	pena de morte, ferida por arma de fogo
Alcalde da Estrada
5 de maio de 1936 – xullo de 1936 (destitución) ← Juan Manuel Rodríguez Seijo – Pedro Gil Crespo →
Actividade
Ocupación	político
Partido político	Izquierda Republicana

Traxectoria

Tiña unha xastrería na rúa Pérez Viondi da Estrada. Vinculado ao sindicato agrario de Guimarei, figurou na candidatura do Centro Republicano que gañou as eleccións municipais de 1931, e foi elixido concelleiro e nomeado tenente de alcalde na corporación que presidiu Juan Manuel Rodríguez Seijo. Cando no outono de 1934 hai unha crise no goberno municipal, pasou a ocupar a alcaldía, pero o 15 de outubro foi detido por orde militar debido aos sucesos de Asturias, aínda que foi liberado en poucos días. Foi Secretario de Propaganda de Izquierda Republicana en 1935. O 5 de maio de 1936 constituíuse a Comisión Xestora Municipal que o elixiu como alcalde presidente da mesma. Co golpe de Estado do 18 de xullo de 1936 foi detido e xulgado en Pontevedra por rebelión militar. Sentenciado a pena de morte, foi executado na Avenida de Buenos Aires de Pontevedra o 5 de xuño de 1937 xunto cos tenentes de alcalde Ramón Fernández Rico, José Rodríguez Sangiao, e os republicanos Cándido Tafalla Froiz, Manuel Nogueira González e José María Pena López. En 1939 abríronlle expediente de responsabilidade civil.

Véxase tamén

Ligazóns externas

• O delito de ser alcalde
• Alcaldes estradenses