Extremo Oriente ruso

O Extremo Oriente ruso (en ruso: Дальний Восток России) refírese á parte rusa do Extremo Oriente, é dicir, aos territorios de Rusia entre Siberia e o océano Pacífico. O Distrito Federal do Extremo Oriente que abrangue esta área non debe ser confundido co Distrito Federal de Siberia, que non se estende até o Pacífico. Na época socialista era coñecido como o Extremo Oriente soviético.

Extremo Oriente ruso

Tipo	entidade territorial xeográfica humana
Parte de	Extremo Oriente Asia do Norte
Localización
División administrativa	Rusia
65°30′N 147°24′L

Aínda que tradicionalmente considérase parte de Siberia, o Extremo Oriente ruso clasifícase separado de Siberia nos esquemas rexionais rusos e na URSS.

En Rusia, a rexión adoita ser denominada simplemente «Extremo Oriente», o que implica unha posíbel confusión co significado internacional de Extremo Oriente na tradución. Esta última é normalmente referida en Rusia como a Rexión Asia-Pacífico (Азиатско-тихоокеанский регион, abreviado como АТР) ou "Asia oriental" (Восточная Азия).

Demografía

Segundo o censo ruso de 2002, o Distrito Federal do Extremo Oriente tiña 6 692 865 habitantes, a maioría nas zonas do sur. Tendo en conta a extensión do distrito, dita poboación tradúcese en pouco máis dunha persoa por quilómetro cadrado, o que converte a rexión nunha das menos densamente poboadas no mundo. A poboación do Extremo Oriente ruso sufriu un rápido declive desde a disolución da URSS.

O 75% da poboación é urbana. En 2002, as cidades máis poboadas eran:

• Vladivostok (594 701)
• Khabárovsk (583 072)
• Komsomolsk-na-Amure (281 035)
• Blagoveshchensk (219 221)

Grupos étnicos tradicionais

Os grupos demográficos orixinais do Extremo Oriente ruso inclúen (agrupados por grupo lingüístico):

• Túrquicos: Sakhas
• Esquimo-aleutas: Unangax̂, Iupiks siberianos
• Chukoto-kamchatkanos: Chukchis, Koryaks, Alyutores, Kereks, Itelmenos
• Tunguses: Evenkis, Evenos, Nanais, Órochi, Ulchi, Udege, Oroqens
• Illados: Iukagiros, Nivkhs, Ainus

Accidentes xeográficos

• Volcán Kliuchevskói, un estratovolcán basáltico preto da costa leste da península de Kamchatka
• A fosa das Kuriles, unha das depresións máis fondas do planeta, cuns 10 542 m de profundidade máxima.

Lecturas recomendadas

• Stephan, John J. (1996). The Russian Far East: A History. Stanford: Stanford University Press. ISBN 0-8047-2701-5. 

Ligazóns externas

• Reunión de fronteiras: Siberia, Alaska e o Oeste americano Arquivado 31 de agosto de 2015 en Wayback Machine. (inclúe material sobre o Extremo Oriente soviético)
• Дальневосточный федеральный округ en WGEO