Antònia Bardolet

Antònia Bardolet
	;
Biografía
Nacemento	(ca) Antònia Bardolet i Boix ; 11 de decembro de 1877 ; Vic, España
Morte	17 de decembro de 1956 (79 anos); Borredà, España
Actividade
Ocupación	tradutora, esperantista
Descrito pola fonte	Nou diccionari de la literatura catalana

Antònia Bardolet i Boix, nada en Vic, Osona o 11 de decembro de 1877, e finada en Borredà, Berguedà o 17 de decembro de 1956,^[1] foi unha escritora e feminista catalá.

Traxectoria

De formación autodidacta, foi unha gran defensora do esperanto. Motivada por unha forte conciencia social, loitou polos dereitos fundamentais das mulleres e pola cultura do país, o que a levou a abandeirar máis dunha manifestación defendendo unha serie de principios patrióticos. O seu fogar foi durante anos punto de faladoiros e encontros intelectuais. Os seus primeiros escritos en verso apareceron en publicacións periódicas como Gaceta Montañes de Vic e en Feminal de Barcelona. Dedicou a maior parte da súa obra a escribir en prosa. Na Biblioteca d'autors vigatans, publicou a recompilación de narracións sobre psicoloxía feminina Siluetes femenines (1918), algunhas das cales apareceron máis tarde en Lectura Popular. En 1918 publicou algunhas traducións do inglés en revistas, a máis notoria das cales é a novela da estadounidense Margaret Ellen Henry Ruffin El defensor del silenci, publicada na Revista de Vich. Ao longo da súa carreira literaria, Bardolet obtivo algúns premios en diversos certames. A súa afección á astronomía fíxoa colaborar nos estudos que o ilustre astrónomo José Pratdesaba desenvolvía no seu observatorio particular de Vic.^[1]

Obra

Tradución: El defensor del silenci (1918). Vic: Revista de Vic.
Prosa: Justícia de Déu. Resignació crudel (1921?). Barcelona: Lectura Popular, v. XXI, núm. 352.
Narracións: Siluetes Femenines (1918). Vic: Gazeta Montañesa, Biblioteca d’Autors Vigatans, XI.

Notas

↑ ^1,0 ^1,1 Macias Roqueta, Aida. Xarxa Vives d'universitat. Generalitat de Catalunya, ed. Diccionario Biográfico de Mujeres. Antonia Bardolet Boix (en catalán). |data-acceso= require |url= (Axuda)

Véxase tamén

Bibliografía

Matheu, Francesc (1921?). '"Lectura popular". Il·lustració Catalana, núm. 21. Barcelona.
Pinyol, Ramon (2006). "Les escriptores catalanes vuitcentistes i la traducció". Quaderns Crema, Revista de la traducció, núm. 13, pp. 67-75. Barcelona.
Catàleg de la Biblioteca de Catalunya. Fichas electrónicas. Consulta: 22/09/09.

[DBD-1] 1,0 ^1,1 Macias Roqueta, Aida. Xarxa Vives d'universitat. Generalitat de Catalunya, ed. Diccionario Biográfico de Mujeres. Antonia Bardolet Boix (en catalán). |data-acceso= require |url= (Axuda)

[1]

Biografía

Nacemento	(ca) Antònia Bardolet i Boix 11 de decembro de 1877 Vic, España
Morte	17 de decembro de 1956 (79 anos) Borredà, España
Actividade
Ocupación	tradutora, esperantista

Descrito pola fonte	Nou diccionari de la literatura catalana