Zona especial de conservación de Negueira

Zona especial de conservación de Negueira
Tipo	espazo natural protexido; Zonas de especial protección dos valores naturais
Localización
División administrativa	Negueira de Muñiz, España
	43°06′N 6°54′O / 43.1, -6.9
Características
Superficie	4.554,86381 ha
World Database on Protected Areas
Identificador	349001
Historia
Data de creación ou fundación	decembro de 2004

Para outras páxinas con títulos homónimos véxase: Negueira, Negueira de Muñiz.

Negueira é un espazo natural galego catalogado como zona especial de conservación (ZEC) que inclúe parte do encoro de Salime e abas do río Navia nese concello. Esta área de conservación ocupa 4.547 ha. do concellos de Negueira de Muñiz, na comarca da Fonsagrada.^[1]^[2]^[3]^[4]^[5] Destaca por ser unha zona de montaña, con clima atlántico pero influencia mediterránea, con bosques de castiñeiros, carballos e sobreiras e por se un lugar común dos osos pardos.^[5]

Xeografía

O espazo natural está por completo no concello de Negueira de Muñiz, na comarca lucense da Fonsagrada. Inclúe ás parroquia de Río de Porto, Ernes e parte das de Barcela (os lugares de Barcela, Cancio, Castelo, El Foxo, Rozadas, Vilauxín, ) e de Negueira (os lugares de Negueira, Pieiga, Sanformar e Seira).^[4]^[5]

Inclúe un treito final do encoro de Salime, coas abas e regatos que chegan a este encoro. Este encoro está no treito alto do río Navia.

Fauna e flora

Flora

Os bosques fórmanos os castaños (Castanea sativa) e os carballos (Quercus robur) e sobreiras (Quercus suber) e nas ribeiras os abeneiros (Alnus glutinosa) e os freixos (Fraxinus excelsior). Entre os bosques prioritarios do espazo están os bosques de costas e barrancos e os sobreirais. Outras masas fórmanas os queirogais, que os forman as especies de Erica ciliaris e Erica tetralix. No espazo están ademais lugares de turbeiras activas.^[4]^[5]

Fauna

En Negueira está presente o oso pardo (Ursus arctos) e outras especies de conservación prioritaria, como o Cerambyx cerdo, os escornabois (Lucanus cervus), as londras (Lutra lutra) e os aguaneiros (Galemys pyrenaicus).^[4]^[5]

As especies da fauna catalogadas como especies silvestres en réxime de protección especial ou presentes no catalogo galego de especies ameazadas son:^[4]^[5]

Grupo	Especie
Invertebrados	Cerambyx cerdo
Invertebrados	Elona quimperiana
Invertebrados	Geomalacus maculosus
Invertebrados	Lucanus cervus
Anfibios	Chioglossa lusitanica
Anfibios	Discoglossus galganoi
Réptiles	Lacerta monticola
Réptiles	Lacerta schreiberi
Mamíferos	Galemys pyrenaicus
Mamíferos	Lutra lutra
Mamíferos	Myotis emarginatus
Mamíferos	Myotis myotis
Mamíferos	Rhinolophus ferrumequinum
Mamíferos	Rhinolophus hipposideros
Mamíferos	Ursus arctos

Lexislación

Negueira foi declarado como lugar de importancia comunitaria (LIC) en decembro de 2004 e ascendeu a zona especial de conservación (ZEC) en marzo de 2014. O espazo natural forma parte da Reserva da Biosfera do Río Eo, Oscos e Terras de Burón.^[4]^[5]

Galería de imaxes

Encoro de Grandas de Salime.

Notas

↑ BOE - Goberno de España, eds. (29/12/2004). "Decisión de la Comisión, de 7 de diciembre de 2004, por la que se aprueba, de conformidad con la Directiva 92/43/CEE del Consejo, la lista de lugares de importancia comunitaria de la región biogeográfica atlántica [notificada con el número C(2004) 4032].". Diario Oficial de la Unión Europea: L 387/1–96.
↑ Consellería de medio ambiente (Luns, 31 de marzo de 2014). DOG - Xunta de Galicia, eds. "DECRETO 37/2014, do 27 de marzo, polo que se declaran zonas especiais de conservación os lugares de importancia comunitaria de Galicia e se aproba o Plan director da Rede Natura 2000 de Galicia." (62): 13.427.
↑ Consellería de medio ambiente (Luns, 12 de abril de 2004). DOG - Xunta de Galicia, eds. "DECRETO 72/2004, do 2 de abril, polo que se declaran determinados Espazos como Zonas de Especial Protección dos Valores Naturais." (69): 5.046.
↑ ^4,0 ^4,1 ^4,2 ^4,3 ^4,4 ^4,5 Consellaría de Medio Ambiente e Ordenación do Territorio, Xunta de Galicia (eds.). "ZEC ES1120010 Negueira". Consultado o 24/8/2019.
↑ ^5,0 ^5,1 ^5,2 ^5,3 ^5,4 ^5,5 ^5,6 "Natura 2000: ES1120010 Negueira". Consultado o 24/8/2019.

Véxase tamén

Ligazóns externas

[lics_ratlantica-1] BOE - Goberno de España, eds. (29/12/2004). "Decisión de la Comisión, de 7 de diciembre de 2004, por la que se aprueba, de conformidad con la Directiva 92/43/CEE del Consejo, la lista de lugares de importancia comunitaria de la región biogeográfica atlántica [notificada con el número C(2004) 4032].". Diario Oficial de la Unión Europea: L 387/1–96.

[zec_2014-2] Consellería de medio ambiente (Luns, 31 de marzo de 2014). DOG - Xunta de Galicia, eds. "DECRETO 37/2014, do 27 de marzo, polo que se declaran zonas especiais de conservación os lugares de importancia comunitaria de Galicia e se aproba o Plan director da Rede Natura 2000 de Galicia." (62): 13.427.

[zec_2004-3] Consellería de medio ambiente (Luns, 12 de abril de 2004). DOG - Xunta de Galicia, eds. "DECRETO 72/2004, do 2 de abril, polo que se declaran determinados Espazos como Zonas de Especial Protección dos Valores Naturais." (69): 5.046.

[cmaot_negueira-4] 4,0 ^4,1 ^4,2 ^4,3 ^4,4 ^4,5 Consellaría de Medio Ambiente e Ordenación do Territorio, Xunta de Galicia (eds.). "ZEC ES1120010 Negueira". Consultado o 24/8/2019.

[natura-5] 5,0 ^5,1 ^5,2 ^5,3 ^5,4 ^5,5 ^5,6 "Natura 2000: ES1120010 Negueira". Consultado o 24/8/2019.

[1]

[2]

[3]

[4]

[5]