Acordo de Schengen

O Acordo de Schengen é unha convención entre países europeos sobre unha política de libre circulación de persoas no espazo xeográfico de Europa. Son 25 nacións da Unión Europea (Chipre e Irlanda, non son parte) e máis outros 4 países europeos membros da EFTA (Islandia, Liechtenstein, Noruega e Suíza).

Acordo de Schengen
Tipo	tratado internacional
Parte de	Acordo de Schengen
Coordenadas	54°16′30″N 25°33′45″L e 49°28′N 6°22′L
Localización	Convenio de Schengen
Asinante	Suíza, Alemaña, Francia, Austria, Luxemburgo, España, Portugal, Países Baixos, Bélxica e Dinamarca
[ Wikidata ]

En azul están os membros do Tratado de Schengen. En verde, os futuros membros.

Definición

O Espazo Schengen permite a libre circulación de persoas dentro dos países signatarios sen ter que parar nas fronteiras e presentar o seu pasaporte. É necesario ser portador dun documento legal coma, por exemplo, o DNI. O Espazo Schengen non se relaciona coa libre circulación de mercadorías (embargos etc.) cuxa entidade mediadora é a Unión Europea e os outros membros fora do bloque económico.

Edificio da alfándega na Raia entre Galiza e Portugal, que deixou de ter uso en 1992 ao adoptaren España e mais Portugal o Acordo de Schengen.

Historia

O acordo foi orixinalmente asinado o 14 de xuño do 1985 por cinco países (Bélxica, Francia, Alemaña, Luxemburgo e Países Baixos). A sinatura do tratado ocorreu a bordo do barco Princesse Marie-Astrid no río Mosela, próximo a Schengen, unha pequena localidade Luxemburguesa na fronteira con Francia e Alemaña.

Unha fronteira Schengen típica: non existe posto de control. A foto tomouse na fronteira entre Austria e Alemaña

O acordo asinado en 1985 estabeleceu os pasos a seguir para criar o espazo Schengen. Un documento adicional chamado Convención de Schengen foi creado para pór o tratado de Schengen en práctica. Este segundo documento substituíu o primeiro e foi asinado por cada país na seguinte orde:

• 14 de xuño de 1985: Bélxica, Francia, Alemaña, Luxemburgo e Países Baixos.
• 27 de novembro de 1990: Italia.
• 25 de xuño de 1992: Portugal e España.
• 6 de novembro de 1992: Grecia.
• 28 de abril de 1995: Austria.
• 19 de decembro de 1996: Dinamarca, Finlandia, Islandia, Noruega e Suecia.
• 1 de maio de 2004:República Checa, Estonia, Hungría, Letonia, Lituania, Malta, Polonia, Eslovaquia, Eslovenia (consultado o 21 de decembro do 2007)
• 16 de outubro de 2004: Suíza (ratificado por referendo o 5 de xuño de 2005).
• 1 de xaneiro de 2007: Bulgaria e Romanía.
• 28 de febreiro de 2008: Liechtenstein.

Mónaco, San Marino e o Vaticano están dentro do Acordo de Shengen por seren enclaves.

Excepcións

Nos seguintes territorios de membros da área Schengen o tratado non é aplicábel:

• Helgoland da Alemaña;
• Svalbard da Noruega (mais na Illa de Jan Mayen si);
• Groenlandia e Illas Faroé da Dinamarca.

Véxase tamén

Outros artigos

• Nacionalidade
• Visa Waiver Program

Ligazóns externas

• O Espazo de Schengen (en portugués)
• O Espazo de Schengen (en español)
• Países Schengen (fonte deste artigo, en inglés)
• Switzerland joins Schengen (da BBC, en inglés)