Upis ceramboides
| Upis ceramboides | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||
| Clasificación científica | |||||||||||||||||||||
| |||||||||||||||||||||
Upis ceramboides é unha especie de escaravello da familia dos tenebriónidos. É un dos insectos que viven na madeira que se benefician dos incendios forestais. Aparece amiúdo en grandes cantidades baixo a codia de bidueiros danados polo lume, pero ás veces pode verse noutras árbores de folla caduca como o salgueiro e o álamo tremo. As larvas prosperan na codia interior que é rica en micelios de fungos e no sámago. Desenvólvense orixinando pupas durante os meses de verán baixo a codia e seguen desenvolvéndose durante dous ou tres anos. Reprodúcense en primavera.
Nos últimos anos foi desaparecendo de Suecia e agora só se encontra localmente na costa de Norrland (Västerbotten e Norrbotten) así como no Canadá e Alasca.[1] A razón do declive desta especie é probablemente a falta de bosques de bidueiros danados polo lume e as modernas prácticas de silvicultura. Upis ceramboides considérase "vulnerable" en canto á súa supervivencia.[2][3][4]
A supervivencia da especie a temperaturas moi por debaixo do punto de conxelación atribúese a que posúe xilomananos, que son moléculas anticonxelantes non proteicas feitas de polisacáridos e ácidos graxos,[5][6][7] así como o azucre-alcohol treitol.[8]
Notas
editar- ↑ Ned Rozell (outubro de 2007). "Alaska beetles survive 'unearthly' temperatures".
- ↑ "Sweden Entomological Society - Large black beetle". Arquivado dende o orixinal o 2010-04-03. Consultado o 2012-01-26.
- ↑ "Darkling Beetle - Upis ceramboides, Canada".
- ↑ "Images of Upis ceramboides".
- ↑ Ishiwata A, Sakurai A, Nishimiya Y, Tsuda S, Ito Y (2011). "Synthetic study and structural analysis of the antifreeze agent xylomannan from Upis ceramboides". Journal of the American Chemical Society 133 (48): 19524–19535. PMID 22029271. doi:10.1021/ja208528c.
- ↑ Crich D, Rahaman MY (2011). "Synthesis and structural verification of the xylomannan antifreeze substance from the freeze-tolerant Alaskan beetle Upis ceramboides". Journal of Organic Chemistry 76 (21): 8611–8620. PMC 3204896. PMID 21955117. doi:10.1021/jo201780e.
- ↑ Walters KR Jr; Serianni AS; Sformo T; Barnes BM; Duman JG (2009). "A nonprotein thermal hysteresis-producing xylomannan antifreeze in the freeze-tolerant Alaskan beetle Upis ceramboides". Proceedings of the National Academy of Sciences 106 (48): 20210–20215. PMC 2787118. PMID 19934038. doi:10.1073/pnas.0909872106.
- ↑ Walters KR Jr; Pan Q; Serianni AS; Duman JG (2009). "Cryoprotectant biosynthesis and the selective accumulation of threitol in the freeze-tolerant Alaskan beetle, Upis ceramboides". Journal of Biological Chemistry 284 (25): 16822–16831. PMC 2719318. PMID 19403530. doi:10.1074/jbc.M109.013870.