Teresa Abelleira

futbolista española
(Redirección desde «Tere Abelleira»)

Teresa Abelleira Dueñas, nada en Pontevedra o 9 de xaneiro de 2000[2], é unha futbolista galega, que xoga de centrocampista no Real Madrid. Internacional coa selección española dende 2020, proclamouse con esta campioa da Copa do Mundo en 2023 e da Liga das Nacións da UEFA en 2024. Disputou ademais a Eurocopa de 2022 e os Xogos Olímpicos de 2024.

Modelo:BiografíaTeresa Abelleira

Editar o valor en Wikidata
Nome orixinalTeresa Abelleira Dueñas
Biografía
Nacemento9 de xaneiro de 2000 Editar o valor en Wikidata (25 anos)
Pontevedra, España Editar o valor en Wikidata
Altura1,59 m[1]
Peso60 kg
Actividade
Ocupaciónfutbolista Editar o valor en Wikidata
Período de actividade2016 Editar o valor en Wikidata -
Nacionalidade deportivaEspaña Editar o valor en Wikidata
Deportefútbol Editar o valor en Wikidata
Posición de xogoCentrocampista
Traxectoria Editar o valor en Wikidata
  Equipo Número de partidos xogados Puntos/goles/tantos anotados
  Deportivo da Coruña
  Real Madrid

IMDB: nm14403861 Twitter: teresabelleira Instagram: teresabelleira UEFA: 250092098 Editar o valor en Wikidata
Teresa Abelleira en 2020 co Deportivo da Coruña.

Traxectoria

editar

Naceu nunha familia fortemente vencellada ao fútbol, filla do adestrador Milo Abelleira e irmá menor do tamén futbolista Tomás Abelleira.[3] Na súa etapa de cadete compaxinaba o fútbol sala, ao que xogaba no Poio Pescamar, coas categorías inferiores do CD Lérez.

En 2016, e trala fundación da sección feminina do Deportivo Abanca, abandona a súa Pontevedra natal para unirse ás filas deste equipo na segunda división feminina. Foi, xunto con Raquel Béjar, a primeira licenza profesional do fútbol feminino en Galicia.[2] Xogou catro tempadas no club branquiazul, logrando na terceira delas o ascenso á Primeira División, e obtendo un cuarto posto na súa primeira tempada na máxima categoría, na que marcou dous goles. A continuación, a mediados de 2020, deixou o Deportivo para fichar polo Real Madrid Feminino, equipo acabado de crear tras un acordo do Real Madrid co Club Deportivo TACON.[4][5] Co Real Madrid marcou 3 goles na tempada 2020/21 e 5 na 2022/23.[6]

Selección española

editar

O 27 de novembro de 2020 debutou coa selección española absoluta na vitoria por 10-0 fronte a Moldova, correspondente á fase de clasificación para a Eurocopa de 2022, substituíndo a Aitana Bonmatí no segundo tempo.[7]​ O seu primeiro partido como titular foi o 13 de abril de 2021 na vitoria por 3-0 fronte a México. En 2022 disputou a Eurocopa en Inglaterra, caendo nos oitavos de final contra a selección anfitrioa.[8]

 
Presentación de Campioa. Pequena biografía de Teresa Abelleira, Polo Correo do Vento, no Teatro Principal de Pontevedra no nadal de 2023. Miguel Anxo Fernández Lores, Teresa Abelleira e Nieves D. Amil

O 30 de xuño de 2023 foi incluída na lista definitiva do seleccionador Jorge Vilda para a Copa do Mundo de 2023, disputada en Australia e Nova Zelandia.[9] Foi titular en tódolos partidos do torneo e marcou un gol no segundo partido da primeira fase, na goleada por 5-0 sobre Zambia, cun espectacular disparo dende fóra da área.[10] Nas semifinais contra Suecia, un córner sacado por ela foi rematado á portería pola súa compañeira Olga Carmona e serviu para clasificar a España para a primeira final da súa historia.[11] Xogou completa a final, celebrada no Stadium Australia de Sydney, onde o conxunto español gañou o título ao vencer por 1-0 a Inglaterra.[12] Foi a cuarta futbolista da selección española con máis minutos no Mundial (535) e a que máis recuperacións de balón conseguiu (55).[13]

En 2024 participou nos partidos de clasificación para a Eurocopa, e no último deles visitou o seu antigo estadio, Riazor, para enfrontarse a Bélxica, anotando un espectacular gol dende preto do centro do campo.[14] A continuación foi unha das 22 mulleres seleccionadas por Montse Tomé para a primeira participación da selección española feminina nuns Xogos Olímpicos. Disputou os seis partidos do combinado español no torneo, sendo titular en catro deles. O equipo acadou as semifinais, onde caeu ante o Brasil por 4-2, e perdeu tamén no encontro pola medalla de bronce contra Alemaña (1-0).[15]

Palmarés

editar
Deportivo da Coruña
Selección española sub-19
Selección española

Recoñecementos

editar

Vida persoal

editar

É filla do adestrador de fútbol Milo Abelleira e irmá do futbolista Tomás Abelleira.[19]

A súa moza[20] é Patricia Curbelo, porteira de fútbol e xogadora do Viaxes Interrías de Vilalonga.

  1. "Copia arquivada". Arquivado dende o orixinal o 05 de setembro de 2019. Consultado o 05 de setembro de 2019. 
  2. 2,0 2,1 "Teresa Abelleira se pasa al profesionalismo". 19 de xaneiro de 2017. Consultado o 11 de abril de 2019. 
  3. "Teresa Abelleira, la niña que era más pequeña que la pelota ya es campeona del mundo" (en castelán). 21 de agosto de 2023. Consultado o 18 de xullo de 2024. 
  4. "Teresa Abelleira deja el Deportivo para fichar por el Real Madrid". La Voz de Galicia (en castelán). 26 de maio de 2020. Consultado o 14 de xullo de 2020. 
  5. "Teresa Abelleira se hace con el timón del Real Madrid femenino" (en castelán). 14 de xullo de 2020. Consultado o 14 de xullo de 2020. 
  6. "Teresa Abelleira (Real Madrid) - Perfil del jugador - Flashscore.es". www.flashscore.es (en castelán). Consultado o 2023-08-15. 
  7. "Tere Abelleira debuta con la selección en la goleada a Moldavia". La Voz de Galicia (en castelán). 2020-11-27. Consultado o 2023-08-15. 
  8. "Punto y final al sueño: Inglaterra elimina a España de la Eurocopa en la prórroga" (en castelán). 20 de xullo de 2022. Consultado o 20 de agosto de 2023. 
  9. "Jorge Vilda anuncia las 23 elegidas para buscar nuestro primer Mundial de la historia" (en castelán). 20 de agosto de 2023. Consultado o 20 de agosto de 2023. 
  10. "Tere Abelleira hizo contra Zambia el golazo del Mundial: un 'guante' junto a Alexia y Aitana" (en castelán). 26 de xullo de 2023. Consultado o 20 de agosto de 2023. 
  11. Espiño, Diego (15 de agosto de 2023). "Á final! A España de Tere Abelleira vence a Suecia e xogará por gañar o Mundial (2-1)". Pontevedra Viva. Consultado o 20 de agosto de 2023. 
  12. Dapena, Almu (20 de agosto de 2023). "Tere Abelleira, campioa do mundo con España tras derrotar a Inglaterra na final (1-0)". Pontevedra Viva. Consultado o 20 de agosto de 2023. 
  13. "El camino de España hasta ganar su primer Mundial femenino, en datos". RTVE (en castelán). 20 de agosto de 2023. Consultado o 20 de agosto de 2023. 
  14. Espiño, Diego (16 de xullo de 2024). "Un golazo de Tere Abelleira desde o círculo central pecha o 2-0 de España a Bélxica en Riazor". Pontevedra Viva. Consultado o 18 de xullo de 2024. 
  15. Espiño, Diego (9 de agosto de 2024). "El bronce olímpico esquiva a Tere Abelleira". Pontevedra Viva (en castelán). Consultado o 10 de agosto de 2024. 
  16. "El Depor Abanca se proclama campeón de liga". 31 de marzo de 2019. Consultado o 11 de abril de 2019. 
  17. "VII Gala do Deporte Feminino en Galicia – MUDEGA". Arquivado dende o orixinal o 04 de marzo de 2021. Consultado o 2021-02-20. 
  18. "Os Cidade de Pontevedra 2023 recoñecerán a Teresa Abelleira e a Matriuska Producciones". Pontevedra Viva. 2024-01-11. Consultado o 2024-01-12. 
  19. "Abelleira, el apellido más futbolero". La Voz de Galicia (en castelán). 11 de maio de 2016. Consultado o 5 de novembro de 2020. 
  20. "Patricia Curbelo y Teresa Abelleira, víctimas de la homofobia futbolística". Consultado o 2023-09-21. 

Véxase tamén

editar

Bibliografía

editar
  • Polo Correo do Vento (2023). Campioa. Pequena biografía de Teresa Abelleira. Lela Edicións. Ilustracións de Tania Solla.[1] Edición do Concello de Pontevedra.
  1. "Así é "Campioa", o libro sobre Tere Abelleira ilustrado por Tania Solla e creado por Polo Correo do Vento". Pontevedra Viva. 2023-12-29. Consultado o 2023-12-29.