Susan McClary

Susan McClary, nada en St. Louis, Missouri o 2 de outubro de 1946, é unha musicóloga e profesora estadounidense pertencente á corrente da Nova Musicoloxía (orixinada nos anos 70 que se centra nos aspectos externos do acto musical como os estudos culturais, a estética e crítica musical). Gran parte do seu traballo é unha crítica dende un punto feminista da historia da música e as súas características estabelecidas ó longo das épocas; ademais de varios estudos sobre xénero, sexualidade e música. .

Susan McClary

Biografía
Nacemento	2 de outubro de 1946 (78 anos) St. Louis, Estados Unidos de América
Educación	Universidade Harvard
Actividade
Campo de traballo	Musicoloxía e music criticism (en)
Ocupación	musicóloga, crítico musical, profesora universitaria
Familia
Cónxuxe	Robert Walser
Premios
Bolsa MacArthur

Achegas á musicoloxía

McClary salienta a influencia da música como un medio social que sutilmente conforma e modifica os desexos, sentimentos, percepcións do corpo e subxectividade. Estudou a música como un discurso e unha construción de xénero e significado sexual (tema tratado na súa obra: Femenine endings: music, gender & sexuality, Minnesota, University of Minnesota Press 2002).