Souto, Leroño, Rois

Souto
Parroquia	Leroño
Concello	Rois
Coordenadas	42°47′17″N 8°43′05″O / 42.788192658552, -8.7180874814661
Poboación	36 hab. (2018)
	[ editar datos en Wikidata ]

Para outras páxinas con títulos homónimos véxase: Souto.

Souto é unha aldea da parroquia de Leroño, no concello coruñés de Rois, na comarca do Sar. Segundo o IGE,^[1] en 2018 tiña 36 habitantes (15 homes e 21 mulleres).

Etimoloxía

A palabra Souto vén do latín; saltus que significa fraga, bosque, selva. Chámase así porque é un terreo poboado de castiñeiros, no que se cultiva a castaña e se obtén madeira para leña.

Xeografía

Atópase a uns 22 km de Santiago de Compostela e está situado no val do río Baleirón^[2] cunha altitude duns 116 msnm. Souto ocupa unha superficie de 950 000 m².

Hábitat

Río en Souto

A aldea está situada nun lugar baixo e abrigado, por ela cruza o río Baleirón,^[3] afluente do río Rois.^[4]

Todo o lugar está rodeado de monte con moita vexetación que, na súa maior parte, medra espontaneamente.

Cultura e patrimonio

Souto ten abundante patrimonio:

Oito hórreos, tres deles dispersos e os outros cinco nunha eira onde antes se mallaba e se secaban os legumes.
Dous cruceiros, un deles sábese que data do ano 1730 porque ten gravada a data e unhas inscricións en latín.
Un pozo e unha fonte de 1934 na que antigamente se lavaba a roupa.
Dous muíños de auga. Un deles aínda conserva a moega, a pedra e o rodezno.
Unha mina de auga.
Un pombal.
Na aldea tamén hai uns batáns, que eran os lugares onde estaban antigamente estes aparellos de madeira, construídos no curso de auga.

No monte de Souto hai unha cruz de pedra que antigamente marcaba o camiño sacramental ata a igrexa parroquial de Santa María de Leroño. Os veciños dicían que a cruz tamén era un sinal de protección. Dise que protexe a aldea e os seus habitantes contra todo tipo de males, meigallos, bruxas e tamén contra o lume.

Cruceiro
Cruceiro
Fonte
Muíño de auga
Mina de auga
Pombal
Cruz de pedra, de Souto

Lugares e parroquias

Lugares de Leroño

Lugares da parroquia de Leroño no concello de Rois (A Coruña)
A Casa do Vento \| Choucela \| Covas \| A Eirexa \| Leroño \| Liñares \| Souto \| Vilar de Castro

Parroquias de Rois

Galicia \| Provincia da Coruña \| Parroquias de Rois
Augasantas (San Vicente) \| Buxán (San Xoán) \| Costa (San Miguel) \| Ermedelo (San Martiño) \| Herbogo (San Pedro) \| Leroño (Santa María) \| Oín (Santa María) \| Ribasar (Santa Mariña) \| Rois (San Mamede) \| Seira (San Lourenzo) \| Sorribas (San Tomé) \| Urdilde (Santa María)

Notas

↑ IGE (ed.). "IGE - Nomenclátor de Galicia" (en galego). Arquivado dende o orixinal o 30 de decembro de 2020. Consultado o 28 de abril de 2021.
↑ "Zona libre de pesca do río Baleirón (ou Liñares)". Arquivado dende o orixinal o 07 de novembro de 2017. Consultado o 5 de novembro de 2017.
↑ "río Baleirón". Arquivado dende o orixinal o 07 de novembro de 2017. Consultado o 04 de novembro de 2017.
↑ Río Rois

Véxase tamén

Outros artigos

Lugares de Rois

[1] IGE (ed.). "IGE - Nomenclátor de Galicia" (en galego). Arquivado dende o orixinal o 30 de decembro de 2020. Consultado o 28 de abril de 2021.

[2] "Zona libre de pesca do río Baleirón (ou Liñares)". Arquivado dende o orixinal o 07 de novembro de 2017. Consultado o 5 de novembro de 2017.

[3] "río Baleirón". Arquivado dende o orixinal o 07 de novembro de 2017. Consultado o 04 de novembro de 2017.

[4] Río Rois

[1]

[2]

[3]

[4]