Xirín europeo
O xirín europeo[2] (Serinus serinus), comunmente xirín ou nabiñeiro[3] é unha especie de ave paseriforme da familia dos frinxílidos (Fringillidae), que se distribúe por boa parte de Europa, norte de África e oeste de Asia. Non está ameazada e a súa poboación europea cífrase entre 8,3 e 20 millóns de parellas reprodutoras, o que equivalería a entre 24,9 e 60 millóns de individuos[4].
| Xirín europeo | |||||||||||||||
|---|---|---|---|---|---|---|---|---|---|---|---|---|---|---|---|
_007.jpg) Macho
| |||||||||||||||
| Estado de conservación | |||||||||||||||
 Pouco preocupante[1] | |||||||||||||||
| Clasificación científica | |||||||||||||||
| |||||||||||||||
| Nome binomial | |||||||||||||||
| Serinus serinus (Linneo, 1766) | |||||||||||||||
 Verde: reside todo o ano Azul: só invernada Laranxa: só cría Distribución xeográfica do xirín.
Verde: reside todo o ano Azul: só invernada Laranxa: só cría | |||||||||||||||
| Subespecies | |||||||||||||||
|
| |||||||||||||||
| Sinonimia | |||||||||||||||
|
| |||||||||||||||
Taxonomía
editarFoi descrito por Linneo en 1766 baixo o nome de Fringilla serinus.[5] É unha especie monotípica, é dicir, sen subespecies descritas,[6][7] aínda que algunhas fontes mencionan unha subespecie Serinus serinus flaviserinus.[5]
Descrición
editarÉ o máis pequeno dos frinxílidos, mide uns 11–12 cm. É un parente próximo ao canario. O manto e a cabeza son de cores parduscas mentres que o ventre é dunha forte cor amarela, en especial no macho (a especie presenta dimorfismo sexual).[8]
Distribución
editarNese chan á beiramar |
O xirín reside na meirande parte de Europa, sendo unha especie residente na conca Mediterránea, mentres que no norte habita unicamente en época de cría. Aínda que a súa área de distribución orixínase ou dá comezo no Mediterráneo, o xirín estendeuse dende o norte de África até o sur de Europa, e mesmo pola Europa continental e Asia Menor. Foi nos séculos XIX e XX, cando o xirín comezou a ampliar a súa área de distribución pola Europa Central e Occidental, iniciando tamén a colonización do Oriente Medio. Hoxe día pode atoparse nos países bálticos, e no Oriente, localízase en Belarús e Ucraína, espallando a súa distribución de forma xeral cara á costa do Mar Negro. A súa expansión cara ao sur deu lugar á instalación desta especie nas Illas Baleares, as Illas Canarias, as illas do Exeo, Chipre, así como no norte de Marrocos, Tunes, Alxeria e Exipto.
Notas
editar- ↑ BirdLife International (2008). "Serinus serinus". Lista Vermella da IUCN de Especies en Perigo (en inglés). IUCN 2008. Consultado o 15 de agosto de 2009.
- ↑ "Denominación das aves". Real Academia Galega. Consultado o 2024-12-07.
- ↑ Na@iñeiro, na base histórica de dicionarios galegos.
- ↑ Serinus serinus[Ligazón morta], na Lista Vermella da IUCN de especies ameazadas, consultada en maio de 2011 sobre datos de 2004.
- ↑ 5,0 5,1 "Ficha do xirín". Consultado o 22 de xuño de 2010.
Avibase
- ↑ Zoonomen. "Birds of the World -- current valid scientific avian names." (en inglés). Consultado o 22 de xuño de 2010.
- ↑ Cornell Lab of Ornithology. "Clement's Checklist 6.3" (en inglés). Consultado o 22 de xuño de 2010.
- ↑ Mullarney,K.; Svensson, L.; Zetterström, D; e Grant, P.J. (2003). Guía de Campo das Aves de España e de Europa. Editorial Omega. ISBN 84-282-1218-X.
- ↑ Penas Patiño, Xosé M.; Pedreira López, Carlos (1980). Guía das aves de Galicia. Ficha do xirín. Ilustrado por Calros Silvar. Vigo: Editorial Galaxia. p. 89. ISBN 84-7154-379-6.
Véxase tamén
editar| Commons ten máis contidos multimedia sobre: Xirín europeo |