Choquiño bicudo

Choquiño bicudo
Clasificación científica
Reino: Animalia Filo: Mollusca Clase: Cephalopoda Orde: Sepiida Familia: Sepiidae Xénero: Sepia Subxénero: Rhombosepion Especie: S. orbignyana
Nome binomial
Sepia orbignyana Férussac, 1826
Sinonimia
Acanthosepion enoplon Rochebrune, 1884 Sepia rubens Philippi, 1844

O choquiño bicudo (Sepia orbignyana, Férussac 1826; antes Sepia rubens) é un molusco cefalópodo da familia Sepiidae, da orde Sepiida.

Morfoloxía

Semellante a unha xiba común, pero de menor tamaño, con talles de ata 10–12 cm . O bordo superior do manto prolóngase en ángulo agudo sobre a cabeza. Posúe catro filas de ventosas nos tentáculos pero na base organízanse en dúas en forma de zigzag.

A cuncha presenta unha grande espiña apical que sobresae do extremo posterior do manto, entre as aletas.

Hábitat e distribución

Distribúese polo mar Mediterráneo e océano Atlántico. O espécime tipo foi capturado na costa francesa do golfo de Biscaia, e está depositado no Museo Nacional de Historia Natural de Francia en París.

Vive sobre fondos de area ou lama, a profundidades comprendidas entre os 80 e os 250 metros, sen achegarse nunca á costa.

Véxase tamén

Bibliografía

• RAMONELL, Rosa: Guía dos mariscos de Galicia. Galaxia, Vigo 1985.
• RÍOS PANISSE, M. Carmen: Nomenclatura de la flora y fauna marítimas de Galicia (Invertebrados y peces). Anejo 7 (1977) de Verba.

Ligazóns externas

• Ficha en World Register of Marine Species