Selma Barkham

Selma Huxley, tamén coñecida como Selma Barkham ou Selma Barkham Huxley, nada en Londres o 8 de marzo de 1927 e finada en Chichester o 3 de maio de 2020, foi unha historiadora canadense de protagonismo internacional nos campos da historia marítima do País Vasco e do Canadá.

Selma Barkham

Biografía
Nacemento	8 de marzo de 1927 Londres, Reino Unido
Morte	3 de maio de 2020 (93 anos) Chichester, Reino Unido
Educación	Universidade de Londres
Actividade
Ocupación	xeógrafa, historiadora
Membro de	Real Sociedade Bascongada de Amigos do País Institución Fernán González
Familia
Parentes	Aldous Huxley Julian Huxley Thomas Henry Huxley, bisavó Henri-Gustave Joly de Lotbinière, bisavó
Premios
(2014)  Lagun Onari (en) (2012)  Medalla do Xubileu de Diamante da Raíña Sabela II (2002)  Medalla do Xubileu de Ouro da Raíña Sabela II (1981)  Membro da Orde do Canadá  Oficial da Orde do Canadá  Membro da Orde do Canadá

Traxectoria

As súas investigacións permitíronlle reconstruír un capítulo pouco coñecido da historia de Canadá e do País Vasco: o bacallau vasco e as pesqueiras de baleas na Terra Nova, sobre todo no século XVI. Descubriu a existencia dunha industria baleeira vasca no século XVI en Labrador, os seus portos baleeiros, os restos arqueolóxicos das súas bases, así como a presenza de galeóns vascos afundidos neses portos, entre eles o San Juan (1565).

Distincións

En 1981 o Goberno do Canadá concedeulle a Orde do Canadá, o seu máximo galardón civil, polo seu traballo pioneiro e por ter realizado "unha das contribucións máis brillantes, nos últimos anos, á historia desta nación".