Richard Matheson

Richard Matheson, nado en Allendale, Nova Jersey, o 20 de febreiro de 1926 e finado o 23 de xuño de 2013, é un escritor estadounidense de fantasía, ficción científica e horror.

Richard Matheson

Biografía
Nacemento	20 de febreiro de 1926 Allendale, Estados Unidos de América (pt)
Morte	23 de xuño de 2013 (87 anos) Os Ánxeles, Estados Unidos de América
Educación	Universidade de Misuri Brooklyn Technical High School (en)
Actividade
Ocupación	escritor, novelista, guionista, escritor de ciencia ficción
Período de actividade	1950 - 2013
Xénero artístico	Fantasía
Pseudónimo literario	Logan Swanson
Carreira militar
Rama militar	Exército dos Estados Unidos de América
Conflito	segunda guerra mundial
Familia
Fillos	Richard Christian Matheson, Ali Marie Matheson, Chris Matheson
Premios
(2010)  Science Fiction and Fantasy Hall of Fame (2008)  Tähtivaeltaja Award (en) (2008)  Geffen Award (en) (1993)  World Horror Convention Grand Master Award (en) (1973)  Premio Edgar, premiado polo traballo The Night Stalker (en) (1958)  Premio Hugo á mellor presentación dramática, premiado polo traballo The Incredible Shrinking Man (pt)
Descrito pola fonte	Obálky knih,

Traxectoria

Fillo de inmigrantes noruegueses, criouse en Brooklyn e estudou na Brooklyn Technical School. Despois fixo o servizo militar como soldado de infantaría na segunda guerra mundial. En 1949 licenciouse en xornalismo pola Universidade de Missouri e en 1951 mudouse a California. Casou en 1952 e tres dos seus catro fillos (Chris, Richard Christian e Ali Matheson) tamén son escritores e guionistas.

Obra

Matheson iniciouse na literatura publicando os seus contos no diario Brooklyn Eagle. Xa en California, empezou a escribir relatos de fantasía, terror e ciencia ficción, publicados desde 1950 pola revista Magazine of Fantasy and Science Fiction. O seu primeiro conto publicado Borne of Man and Woman fíxoo inmediatamente famoso.

En 1954 apareceu a súa xa clásica novela I Am Legend, unha orixinal historia na cal o mundo sofre unha pandemia de vampirismo á que se ten que enfrontar un só home. En 1957 adaptou ao cine a súa novela The Shrinking Man, da cal resultou un filme de culto.

Tamén destacou como guionista de varios capítulos da serie televisiva Twilight Zone e da película de Steven Spielberg Duel, baseada nun relato seu.