Richard Clarke

Richard Lionel Clarke, nado o 25 de xuño de 1949 en Dublín, é un eclesiástico da Igrexa de Irlanda (Comuñón Anglicana), dende 2012 arcebispo de Armagh e primado de dita igrexa.

Richard Clarke

(2019)
Biografía
Nacemento	25 de xuño de 1949 (75 anos) Dublín, Irlanda
Grupo étnico	Pobo irlandés
Relixión	Anglicanismo
Educación	Trinity College Dublín King's College de Londres
Actividade
Ocupación	sacerdote

Traxectoria

Estudou no Trinity College da Universidade de Dublín, e posteriormente no King's College de Londres. Foi ordenado diácono en 1975 e sacerdote en 1976. Exerceu o seu ministerio pastoral inicialmente en Holywood, durante dous anos, e posteriormente volveu a Dublín.

Foi elixido e consagrado bispo da diocese de Meath e Kildare en 1996. En 2012 foi elixido para suceder a Alan Harper como arcebispo de Armagh, e tomou posesión da sé o 15 de decembro de 2012.

Enviuvou en 2009. Ten dous fillos.