República Independente de Donís

A República Independente de Donís declarárona os veciños da localidade de Donís, na serra dos Ancares no ano 1873 e desapareceu logo duns días, coa chegada da Garda Civil na procura do recadador de impostos.

República Independente de Donís

Localización
42°51′36″N 6°54′06″O
Capital	Donís
Poboación
Lingua oficial	lingua galega
Datos históricos
Creación	1873
Disolución	1873
Organización política
Forma de goberno	república

Contexto

Nos anos 60 do século XIX o Reino de España sofreu unha importante crise económica e política que levou á Revolución de 1868. Isto supuxo o destronamento e exilio da raíña Isabel II e o comezo do chamado Sexenio Democrático (1868-1874), durante o cal acabou proclamándose a Primeira República Española o 11 de febreiro de 1873.

Donís, pola súa banda, era unha das vilas máis historicamente reivindicativas da zona cervantega.

Historia

No ano 1873, cando o alguacil de Cervantes, Francisco Trabado Ponte, en calidade de axente executivo, quixo levar a cabo a cobranza da contribución, a cal xa tiña que ter executado, os veciños negáronse por considerárena excesiva. Perante as súas ameazas, prendérono na capela e proclamaron a República Independente de Donís. Esta condición foi efémera, pois a Garda Civil puxo fin a rebelión dos veciños e liberou o recadador días despois.

Véxase tamén

Bibliografía

• González Arias, Alejandro (1995). Guía e rutas dos Ancares. Galaxia. ISBN 84-8288-021-7. 
• Moure Salgado, Xabier; Carpente Leira, Pilar (2019). Cervantes, un concello con historia. Deputación de Lugo. ISBN 978-84-8192-565-4. 

Outros artigos

• República Federal da Illa de Arousa
• Primeira República Galega