Ramón Somoza Álvarez

Ramón Somoza Álvarez, nado en Ourense en 1899 e finado en Castroncelos (A Pobra do Brollón) o 13 de xullo de 1938, foi un gandeiro e político galego.

Ramón Somoza Álvarez

Biografía
Nacemento	1899 Ourense, España
Morte	13 de xullo de 1938 (38/39 anos) Castroncelos, España
Causa da morte	paseo, ferida por arma de fogo
Actividade
Ocupación	gandeiro
Partido político	Partido Socialista Obrero Español

Traxectoria

Gandeiro. En 1930 participou na reorganización da Agrupación Socialista de Monforte de Lemos. Participou na folga xeral revolucionaria de 1934 e foi procesado. Liberado grazas a amnistía decretada tralo triunfo do Frente Popular nas eleccións de febreiro de 1936, foi recibido en San Clodio de Ribas de Sil xunto con Juan Tizón Herreros e Eduardo Amador Corzo. Foi designado concelleiro de Monforte polo gobernador civil o 15 de marzo. Co golpe de Estado do 18 de xullo de 1936 fuxiu ao monte. Foi capturado o 11 de xullo de 1938. Foi asasinado con José Rodríguez Silvosa o 13 de xullo de 1938 en Seixo de Castroncelos (A Pobra do Brollón) durante un traslado.

Véxase tamén

Ligazóns externas

• Ficha en Represión franquista en Lugo
• Objetivo cumplido en la exhumación del cementerio de Castroncelos
• "Exhuman en A Pobra do Brollón los restos de dos vecinos de Monforte" La Voz de Galicia, 1/7/2016 (en castelán).