Río Tunjuelo

O río Tunjuelo ou Tunjuelito é un río que atravesa as localidades de Sumapaz, Usme, Ciudad Bolívar, Tunjuelito, Kennedy e Bosa da cidade de Bogotá e unha mínima extensión en Soacha. A súa conca alberga a preto de dúas quintas partes da poboación total da cidade. Ten unha lonxitude de 73 km e, despois do río Bogotá, é o segundo maior da cidade. En 1930 empregáronse as súas augas para abastecer o seu primeiro acueduto. Desemboca no río Bogotá.

Río Tunjuelo

Tipo	río curso de auga
Localización
División administrativa	Bogotá, Colombia
4°19′N 74°08′O

Etimoloxía

Os nomes Tunjuelo e Tunjuelito derivan de Cerro de los Tunjos, que recibe o seu nome dos tunjos, figuras votivas relixiosas dos muiscas, que habitron na rexión da sabana de Bogotá antes da conquista española.

Percorrido

O río Tunjuelo no límite entre as localidades de Ciudad Bolívar e Tunjuelito.

Nace no encoro de Chisacá, localizado no páramo de Sumapaz no extremo sueste de Bogotá, e na fronteira da localidade de Bosa (antiga verea San Bernardino) co concello de Soacha (verea Bosatama) desemboca no río Bogotá, que á súa vez é afluente do río Magdalena.

Contaminación

Dende os anos 1960 presenta unha problemática ambiental grave, que se fixo evidente nos anos 1980. As súas causas son a construción de canteiras na zona, o crecemento urbano non planificado, e a industrialización do sector, con procesos altamente contaminantes como a preparación de deterxentes e a industria de curtume.

Polo seu nivel de contaminación e de degradación adoita causar importantes problemas durante as súas enchentes.

Galería de imaxes

• 
  Río Tunjuelo en Ciudad Bolívar.
• 
  Río Tunjuelo.
• 
  Río Tunjuelo.
• 
  Río Tunjuelo en Tunjuelito.

Véxase tamén

Bibliografía

• Bayona, Germán; Montenegro, Omar; Cardona, Agustín; Jaramillo, Carlos; Lamus, Felipe; Morón, Sara; Quiroz, Luiz; Ruíz, María C.; Valencia e Mauricio Parra, Victor (2010). Estratigrafía, procedencia, subsidencia y exhumación de las unidades paleógenas en el Sinclinal de Usme, sur de la zona axial de la Cordillera Oriental - Stratigraphy, provenance, subsidence and exhumation of the Paleogene succession in the Usme Syncline, southern axial zone of the Eastern Cordillera (PDF). Geología Colombiana 35. pp. 5–35. Arquivado dende o orixinal (PDF) o 30/03/2017. Consultado o 2017-03-16. 
• Guerrero Uscátegui, Alberto Lobo (1992). Geología e Hidrogeología de Santafé de Bogotá y su Sabana. Sociedad Colombiana de Ingenieros. pp. 1–20. 
• Montoya Arenas, Diana María; Reyes Torres, Germán Alfonso (2005). Geología de la Sabana de Bogotá. INGEOMINAS. pp. 1–104. 
• Osorio Osorio, Julián Antonio (2007). El río Tunjuelo en la historia de Bogotá, 1900-1990 (PDF). Alcaldía Mayor de Bogotá. pp. 1–116. Consultado o 2017-02-28. 

Bibliografía

• Sistema Hídrico, Bogotá (en castelán)