O Sadar é un río de Navarra, afluente do río Elorz, que nace nas serras de Aranguren e Tajonar, discorrendo en dirección oeste, entre as margas eocénicas da Cuenca de Pamplona. Ten unha lonxitude de 19 km e drena unha conca duns 70 km². As precipitacións medias que recibe, 700 mm, achéganlle un caudal estimado de 12 hm³ anuais. Trátase dun río pequeno, cun caudal escaso, que se encontra moi encaixado no terreo e que apenas presenta problemas de inundacións. A súa canle, incluídos os seus noiros, ten unha anchura media duns 6-8 metros. En Pamplona, onde percorre aproximadamente 3,7 km, atravesa os Campus da Universidade Pública de Navarra e a Universidade de Navarra e desemboca no río Elorz.[1]
- ↑ Concello de Pamplona (ed.). "Río Sadar". Arquivado dende o orixinal o 21 de decembro de 2009. Consultado o 29 de agosto de 2009.
) km 
