Río Barbanza

Para outras páxinas con títulos homónimos véxase: Barbanza.

O río Barbanza é un pequeno río da provincia da Coruña.

Río Barbanza

Río Barbanza, xunto a Arca da Barbanza.
Tipo	río
Inicio
División administrativa	Provincia da Coruña, España
Final
División administrativa	Provincia da Coruña, España
Localización	ría de Arousa
42°38′06″N 8°57′20″O
Características
Altitude	540 m
Dimensións	12 () km

Descrición

Nalgunhas obras (como a Gran Enciclopedia Galega) o Barbanza aparece como un afluente do río Pedras. Porén, na bastante exhaustiva obra de Río Barxa e Rodríguez Lestegás, Os ríos galegos, o Barbanza é, sen dúbida, o río principal. A maiores debe terse en conta que, nos mapas onde o Pedras figura como curso principal, figura ao seu pé a localidade da Ponte Barbanza, o que mostra que o curso principal é o que aquí se mantén.

Fontes

Nace a unha altura de 540 m, no concello de Boiro, na aba do monte Xestoso, que forma parte da serra do Barbanza, na península do mesmo nome, que constitúe un espléndido horst granítico sobre o mar.

Percorrido

O Barbanza desenvolve un percorrido curto, con grande inclinación, no que forma cachóns e fervenzas, con estanques intermedios. Desemboca na Pobra do Caramiñal, preto do lugar de Pontes, sobre a ría de Arousa. A lonxitude total do río é de 12 km.

Afluentes

O seu principal afluente pola dereita é o río Pedras, que ten un curso semellante. Pola esquerda, e pouco antes de desembocar, recibe o Río Lérez.