Provincia de Trieste

Provincia de Trieste
	Pokrajina Trst (sl)
Localización
	45°36′N 13°48′L / 45.6, 13.8
País	Italia
Rexión con estatuto especial	Friuli-Venezia Giulia
Capital	Trieste
Contén a división administrativa	Duino-Aurisina (pt) ; Monrupino (pt) ; Muggia (pt) ; San Dorligo della Valle (pt) ; Sgonico (pt) ; Trieste
Poboación
Poboación	240.000 (1.133,04 hab./km²)
Lingua usada	lingua eslovena ; lingua véneta
Xeografía
Superficie	211,82 km²
Comparte fronteira con	Provincia de Gorizia ; Litoral-Kras (pt)
Datos históricos
Creación	1920
Disolución	30 de setembro de 2017
Sucedido por	UTI Giuliana (en)
Organización política
• President of the Province of Trieste (en)	Maria Teresa Bassa Poropat
Órgano lexislativo	Provincial Council of Trieste (en) ,
Identificador descritivo
Código postal	34121-34151 (Trieste), 34010-34011, 34015-34016, 34018 (provincia)
Fuso horario	UTC+01:00, horario estándar; UTC+02:00, horario de verán
Prefixo telefónico	040
ISO 3166-2	IT-TS
Código NUTS	ITH44
Identificador ISTAT	032
Sitio web	provincia.trieste.it…

Trieste (en esloveno Tržaška) é unha provincia da rexión do Friúl-Venecia Xulia, en Italia. A súa capital é a cidade de Trieste.

Ten unha área de 212 km², (a máis pequena das provincias de Italia) e unha poboación total de 240.000 habitantes (2001). Hai 6 municipios na provincia.

Historia

O territorio corresponde a un hínterland de Trieste, que formou parte do Imperio Austrohúngaro e despois da primeira guerra mundial, foi posta baixo administración italiana. Foi capital do Estado libre de Trieste, creado polo tratado de paz de París de 1947, e que abranguía a cidade e unha pequena zona desde Duino até Cittanova (Novigrad), e foi dividido en dúas zonas: a zona A, no Norte, administrada polo Reino Unido, Francia e os EUA, na cal estaba incluída a cidade de Trieste, e a zona B, no Sur, administrada por Iugoslavia. O tratado de Londres de 1954 puxo fin ao estado de Trieste: a zona A pasou a formar parte de Italia, e a zona B, de Iugoslavia. En 1975 Italia e Iugoslavia asinaron preto de Osimo un tratado que pechou a cuestión fronteiriza de Trieste.

Linguas

O italiano, lingua oficial do estado italiano, fálase por toda a provincia. Na cidade de Trieste moita xente fala o triestino, un dialecto veneciano, en Trieste e en Muggia falouse o tergestino, un dialecto arcaico do friulano pero desapareceu completamente a mediados do século XIX. Estímase que 21% da poboación da provincia fala o esloveno ^[1] que está recoñecido pola lexislación italiana nos seis concellos da provincia, aínda que non se aplica nos sinais bilingües no centro da cidade de Trieste nin na vila de Muggia^[2]. Nas escolas ensínase o esloveno estándar aínda que na provincia tradicionalmente se falan tres dialectos diferentes, o dialecto cársico nos concellos de Duino-Aurisina e Sgonico e nas localidades de Barcola, Prosecco e Contovello que pertencen ao concello de Trieste; o dialecto de Carniola Interior fálase no concello de Monrupino e nas localidades de Opicina, Trebiciano, Padriciano e Basovizza do concello de Trieste, por último o dialecto istriano fálase no concello de San Dorligo della Valle na zona rural de Muggia e no sueste do concello de Trieste, especialmente en Servola.

Notas

↑ "Slovenian in Italy". Arquivado dende o orixinal o 08 de xullo de 2006. Consultado o 08 de xullo de 2006.
↑ "Decreto del Presidente della Repubblica 12 settembre 2007" (PDF). Arquivado dende o orixinal (PDF) o 22 de xullo de 2016. Consultado o 17 de marzo de 2013.

Véxase tamén

Ligazóns externas

Provincia di Trieste

Mapa da provincia de Trieste

[1] "Slovenian in Italy". Arquivado dende o orixinal o 08 de xullo de 2006. Consultado o 08 de xullo de 2006.

[2] "Decreto del Presidente della Repubblica 12 settembre 2007" (PDF). Arquivado dende o orixinal (PDF) o 22 de xullo de 2016. Consultado o 17 de marzo de 2013.

[1]

[2]