Parque Nacional de Gobustan

O Parque Nacional de Gobustan atópase ó oeste do asentamento de Gobustan, a uns 64 quilómetros ó suroeste do centro de Bakú. Foi establecido en 1966 cando a rexión foi declarada como un monumento histórico nacional de Azerbaidján nun intento de conservar as antigas tallas, volcáns de lama e pedras de gas na rexión. A paisaxe cultural de arte rupestre incluído no Parque Nacional de Gobustan foi declarado Patrimonio da Humanidade pola Unesco en 2007.

Parque Nacional de Gobustan

(az) Qobustan qoruğu
Tipo	Reserva natural
Localización
División administrativa	Distrito de Abşeron, Azerbaidján
40°06′20″N 49°23′20″L
Características
Superficie	3.096 ha
Patrimonio da Humanidade
Tipo	Patrimonio cultural  → Europa-América do Norte
Data	2007 (31ª Sesión), Criterios de Patrimonio da Humanidade: (iii)
Identificador	1076
Historia
Data de creación ou fundación	1966

Hoxe Gobustan é a reserva nacional máis popular de Azerbaidján.

Tallas prehistóricas

As imaxes sobre as rochas na reserva de Gobustan nos séculos X-V a. C.

Gravados rupestres en Gobustan do ano 10.000 a. C.

As tallas rupestres e petróglifos no lugar mostran cativadoras imaxes da vida prehistórica no Cáucaso. Os bosquexos ben conservador mostran antigas poboacións que viaxan en botes de xuncos; homes cazando antílopes e touros salvaxes, así como mulleres bailando. O afamado antropólogo noruegués Thor Heyerdahl regresou moitas veces a Azerbaidján entre 1961 e a súa morte en 2002 para estudar o lugar na súa «Na busca de Odín».

Volcáns de lama

Estímase que 300 dos arredor de 700 volcáns de lama que existen no mundo están en Gobustan. Moitos xeólogos así como turistas do lama nacionais e internacionais camiñan a lugares como o cráter Firuz, Gobustan, Salyan para coñecer os volcáns de lama que se cre que teñen propiedades medicinais. En 2001 un volcán de lodo a 15 quilómetros de Bakú fíxose noticia internacional cando repentinamente empezou a arrebolar chamas de 15 metros de alto.