Panorama urbano

O panorama urbano (do francés: panorama urbain), tamén coñecido como skyline en inglés, é a silueta ou a visión total ou parcial das estruturas e edificios máis altos (especialmente os rañaceos) dunha cidade, usando o ceo como fondo da imaxe. Pode definirse tamén como o horizonte artificial creado pola estrutura total da cidade, e é un bo indicador da capacidade económica da mesma. É, tamén, unha especie de pegada dactilar das cidades, pois non hai dúas iguais. Xeralmente o panorama urbano tende a ter a forma dunha montaña artificial, cos edificios máis altos no centro da cidade.

Panorama urbano de Manhattan en 2021. O termo inglés "skyline" usouse por primeira vez para a cidade de Nova York en 1896.

O nome inglés, skyline, usouse por primeira vez en 1896, cando foi utilizado para titular unha litografía en cor que fixera Charles Graham para o suplemento en cor do The New York Journal.