O espírito do cabaleiro
O espírito do cabaleiro[1] (en alemán: Geisterritter)[2] é unha novela de literatura xuvenil escrita pola autora alemá Cornelia Funke. Unha adaptación teatral da novela foi representada no Thalia Theatre de Hamburgo en 2012.[3]
| O espírito do cabaleiro | |
|---|---|
| Título orixinal | Geisterritter |
| Autor/a | Cornelia Funke |
| Ilustrador/a | Friedrich Hechelmann |
| Orixe | Alemaña |
| Lingua | Alemán |
| Xénero(s) | Novela |
| Editorial |  Edicións Xerais |
| Data de pub. |  2011 outubro de 2011 |
| Formato | Tapas duras e brandas |
| Páxinas | 264 |
| ISBN | ISBN 978-84-9914-296-8 |
| Tradución | María Xesús Bello Rivas |
| [ editar datos en Wikidata ] | |
Traduciuna ó galego María Xesús Bello Rivas e publicouna Edicións Xerais en outubro de 2011.[1][4]
Sinopse
editarA novela está narrada por Jon Whitcroft, de 11 anos, que é enviado contra a súa vontade a un internado en Salisbury despois dunha campaña sen éxito para desfacerse do noivo da súa nai, a quen chama desdeñosamente O Barba. Unha vez no internado, descobre, para a súa decepción, que non está nada mal.
Na súa sexta noite escoita o bufar dos cabalos e ve a tres xinetes a cabalo: todos transparentes, con contusións escuras e os ollos queimados. Ningún dos outros rapaces pode velos. Á noite seguinte, as pantasmas reaparecen e perseguen a Jon ata as paredes da catedral. Chámanlle "Hartgill" (o nome de solteira da súa nai) e prometen volver e matalo.
A procura desesperada de Jon para descubrir por que as pantasmas están detrás del lévao ao misterio dun asasinato centenario. Mentres tanto, aínda é perseguido polas pantasmas vingativas, polo que coa axuda dunha nova amiga, Ella, convoca a unha nobre pantasma: Sir William Longspee, o Cabaleiro Pantasma do título, para protexelo. Finalmente descobren unha verdade complicada e corrixen un terrible mal.
Notas
editar- ↑ 1,0 1,1 O espírito do cabaleiro. Traducido por María Xesús Bello Rivas (1ª ed.). Vigo: Edicións Xerais. 2011. ISBN 978-84-9914-296-8 – vía Biblioteca da Tradución Galega.
- ↑ "Geisterritter". Goodreads. Consultado o 1 de maio de 2016.
- ↑ Geisterritter at Thalia Theater [texto alemán]
- ↑ "O espírito do cabaleiro en Xerais". www.xerais.gal. Consultado o 23 de xaneiro de 2023.