Nemiptéridos

Os Nemiptéridos (Nemipteridae) son unha familia de peixes mariños incluída na orde dos Perciformes. Distribúense por augas tropicais e subtropicais do Índico e oeste do Pacífico. O nome procede do grego nemas (filamento) e pteron (ala), polo característico filamento na súa aleta caudal.

Nemipterus bathybius

Características

Corpo oblongo ou alargado. Liña lateral longa e paralela ó perfil dorsal. Un suco na base das aletas dorsal e anal.

Teñen unha aleta dorsal continua, con 10 espiñas e 9-10 radios brandos; na anal 3 espinas e 7 a 8 radios brandos; pelvianas ó nivel das pectorais; na parte superior da aleta cuadal dalgunhas especies hai longo filamento.

Son peixes carnívoros que se alimentan de pequenos peixes bentónicos, cefalópodos, crustáceos e poliquetos, aínda que algunhas especies se alimentan de plancto. Algunhas especies son hermafroditas protoginos.

Clasificación

Comprende 62 especies agrupadas en cinco xéneros:

• Xénero Nemipterus (Swainson, 1839)
• Xénero Parascolopsis (Boulenger, 1901)
• Xénero Pentapodus (Quoy e Gaimard, 1824)
• Xénero Scaevius (Whitley, 1947 )
• Xénero Scolopsis (Cuvier, 1814)

Véxase tamén