Monte Ventoux
O Mont Ventoux (en francés) ou Ventor en (occitano), é unha montaña de 1,912 metros de altitude situada na Provenza. Como indica o seu nome, o vento pode soprar moi forte no cumio, especialmente o coñecido vento Mistral: as correntes producidas poden superar os 160 km/h. Porén o seu nome orixinario non ten que ver cos ventos. Esta montaña non forma parte nin dos Alpes nin dos Pireneos, senón que está soa, entre os dous sistemas montañosos.
| ||||
| Tipo | montaña Abaulamento (pt)  free flight site (en)  | |||
|---|---|---|---|---|
| Localización | ||||
| Continente | Europa | |||
| División administrativa | Vaucluse, Francia | |||
| ||||
| Cordilleira | Montes de Vaucluse (pt) | |||
| Composto por | ||||
| Características | ||||
| Altitude | 1.912 m | |||
| Prominencia topográfica | 1.150 m | |||
| Illamento topográfico | 61,3 km | |||
| Material usado | Calcaria | |||
Sona
editarO monte é moi coñecido porque o 26 de abril de 1336 ascendeu até a súa cima o grande poeta italiano Francesco Petrarca, quen realizou a subida polo puro pracer de experimentar as sensacións que lle poderían deparar a contemplación da paisaxe desde o cume do monte. Foi sen dúbida a primeira vez, polo menos con conciencia, na que un occidental probaba a escalar unha montaña por gozo e non con fins utilitarios.
É tamén coñecido porque o Tour de Francia pasou pola súa cima doce veces dende 1951.
Protección ambiental
editarDesde 1990, o territorio do Mont Ventoux está clasificado pola UNESCO como unha reserva da biosfera. Delimitáronse seis zonas centrais a fin de protexer as paisaxes, os ecosistemas e as especies que conviven na zona, cunha superficie total de 2.126 hectáreas. A cima do Ventoux (963 hectáreas, por enriba dos 1.000 metros), é unha paraxe calcárea que posúe unha rara flora.