Moañesa de Música e Danza
A Agrupación Cultural Moañesa de Música e Danza é unha asociación creada en Moaña en agosto de 2014.
| Moañesa de Música e Danza | |
|---|---|
| Tipo | asociación cultural |
| Data de fundación | agosto de 2014 |
| Sede | Moaña |
| País | Galicia |
| [ editar datos en Wikidata ] | |
Este artigo ou apartado contén afirmacións non neutrais e/ou texto que promociona o tema tratado de forma subxectiva sen achegar información neutral e verificable. Por favor, axude mellorando este artigo. |
Este artigo contén varias ligazóns externas e/ou bibliografía ao fin da páxina, mais poucas ou ningunha referencia no corpo do texto. Por favor, mellora o artigo introducindo notas ao pé, citando as fontes. Podes ver exemplos de como se fai nestes artigos. |
Historia
editarCreouse con quince persoas asociadas, das cales seis formaban parte da xunta directiva: Juan Pena Costas como presidente, Raquel Paredes como vicepresidenta, Carmen Fernández como secretaria, Ana Belén Martínez como tesoureira e Verónica Moledo e María Framil como vogais. Na súas premisas iniciais estaban a de manter as tradicións galegas vivas e non perder a música que se aprendeu das xeracións anteriores.
Actividades
editarA agrupación organiza actividades durante todo o ano para atender a calquera persoa que queira aprender a tocar un instrumento tradicional, como a gaita a pandeireta ou o tambor.
Organiza tamén diferentes obradoiros como os relacionados co traxe galego, con obradoiros de costura dedicados ao bordado ao aire. Outros obradoiros nos que se pode participar é o de construción dun pandeiro ou nos obradoiros de peiteado tradicional.
A actividade principal é a organización do Son Moañesa,[1] un festival que se celebra no mes de agosto e no que se pon en práctica o aprendido durante todo o ano nos diferentes grupos.
Grupos
editarPara poñer en valor o aprendido doutras xeracións a agrupación conta con:
- Banda de gaitas con vinte e cinco compoñentes
- Grupo de pandeireteiras Infantil
- Grupo de pandeireteiras adultas
- Grupo de baile tradicional Infantil
- Grupo de baile tradicional Adultos
Instrumentos
editarNa Banda de gaitas a percusión está formada polo tambor, o bombo e pandeireta. Na sección de canto acompañan as cancións con pandeireta, o pandeiro e a lata.
Mestres
editarContan con catro mestres recoñecidos tanto polo labor como docentes como a nivel artístico e musical:
- Xosé Oliveira é o mestre de música tradicional na especialidade de Gaita Galega.
- Miguel Sotelo Vidal é o mestre de baile tradicional.
- Juan Pena Costas é músico e compositor.
- Nébeda Piñeiro é a mestra de canto tradicional.
Repertorio
editarAs pezas interpretadas pola agrupación son pezas tradicionais. Diferéncianse as que interpreta a sección do Grupo de canto e danza e as da Banda de gaitas. Nas seccións de canto e baile tradicional teñen un carácter de pezas buscadas polos mestres, moitas veces recollidas nun traballo de campo. A banda de gaitas elixe pezas de base tradicional e popular. Entre as máis populares atópanse “A ribeirana popular”, "A festa na eira", "A freixa" ou a “Foliada dos morenos”.
Socios e socias
editarIntégranse compoñentes desde o cinco ata os setenta anos. Hai dous rangos de idade con forte presenza na Moañesa de música e danza: de 8 a 13 anos e de 35 a 45 anos.
Indumentaria
editarOs compoñentes visten con dúas indumentarias, o taxe de acotío e un segundo traxe de gala no que as mulleres levan ricos mantóns.
Notas
editarVéxase tamén
editar| A Galipedia ten un portal sobre: Galicia |
Ligazóns externas
editar- Moañesa de Música e Danza
- Moañesa de Música e Danza
- Brisas do Quenlle es la agrupación folclórica invitada al festival Son Moañesa
- O espírito tradicional da Agrupación Cultural Moañesa de Música e Danza estréase este fin de semana na súa terra
- Agrupación Cultural Moañesa de Música e Danza se presenta este domingo promoviendo la raíces tradicionales y el espíritu folk Arquivado 07 de febreiro de 2019 en Wayback Machine. (en castelán)