Miguel Ángel Jusayú

Miguel Ángel Jusayú, nado en Wüinpumüin o 20 de agosto de 1933 e finado en Maracaibo o 8 de xuño de 2009, foi un escritor e lingüista wayuu venezolano, docente da cátedra de linguas indíxenas da Escola de Letras da Universidade do Zulia e considerado o construtor da lingua literaria wayuu.

Miguel Ángel Jusayú

Biografía
Nacemento	1933 La Guajira, Colombia
Morte	8 de xuño de 2009 (75/76 anos) Maracaibo, Venezuela
Educación	Universidade do Zulia
Actividade
Ocupación	escritor, poeta, mestre

Traxectoria

Perdeu a vista aos doce anos de idade a consecuencia dunha enfermidade. Estivo un tempo en Maracaibo vendendo lotería e en 1950 ingresou no Instituto Venezolano de Cegos, en Caracas, para iniciar estudos de educación primaria. En 1956 volveu á Guajira e dedicouse a alfabetizar os nenos da wayuu e tamén foi profesor en varias escolas. Logo estableceuse en Maracaibo e rematou primaria. O seu encontro co sacerdote Jesús Olza Zubiri foi determinante para que se decidise a escribir. A súa obra narrativa ten como finalidade visibilizar a tradición mítica wayuu, os seus son contos folclóricos pero elaborados literariamente.

Obras

• Morfología Guajira (1975)
• Jüküjaláirrua wayúu (Relatos Guajiros) (1975)
• El Idioma Guajiro. Su Fonética, su Ortografía y su Morfología (1978)
• Jüküjaláirrua wayúu II (Relatos Guajiros II) (1979)
• Diccionario de la lengua guajira: Castellano-guajiro (1981)
• Diccionario Sistemático de la Lengua Guajira (1988)
• Takü'jala. Lo que he contado (1989)
• Morfología de la Lengua Guajira
• Karra'louta ai'kia jünáin asha'já jümá áshajeerrá waiúnaiki. Método para enseñar a escribir y a leer el waiúnaiki (2002)
• Kanewa, el árbol que daba sed (2005), editado en wayuu e castelán
• Karra' lóuta nüchi' kimájatü. Autobiografía (2005)
• Ni era vaca ni era caballo, editado en español, sueco, danés e noruegués
• Gramática de la lengua guajira (Morfosintaxis)