Meg White

Megan Martha White, nada o 10 de decembro de 1974, en Grosse Pointe Farms, Míchigan, é unha batería estadounidense. Foi a batería da banda de rock de Detroit The White Stripes, que formou xunto con Jack White e que se disolveu en xaneiro do ano 2011.

Meg White

Biografía
Nacemento	(en) Megan Martha White 10 de decembro de 1974 (50 anos) Grosse Pointe Farms, Estados Unidos de América (pt)
Residencia	Detroit
Educación	Grosse Pointe North High School (en)
Cor do pelo	Cabelo castaño
Actividade
Ocupación	fotógrafa, cantante, percusionista, actriz, guitarrista
Período de actividade	1997 - 2009
Membro de	The White Stripes
Xénero artístico	Música rock, rock alternativo e garage rock
Instrumento	Batería, percusión, voz, guitarra e órgano
Selo discográfico	Warner Bros. Records Sympathy for the Record Industry XL Recordings Sub Pop V2 Records Third Man Records Italy Records (en)
Compañeiro profesional	Jack White: The White Stripes
Familia
Cónxuxe	Jackson Smith (2009–2013) Jack White (1996–2000)
Descrito pola fonte	Obálky knih,
Sitio web	whitestripes.com

Traxectoria

Meg medrou na área de Detroit. Antes de comezar a tocar a batería, traballaba de camareira no Memphis Smoke, un bar da zona de Detroit. Traballando alí unha noite en 1994 coñeceu a Jack White e eles casaron o 21 de setembro de 1996.

Jack pasou gran parte dos 90 de banda en banda, pero en 1997 Meg decidiu comezar a tocar a batería. O matrimonio converteuse entón nunha banda e The White Stripes fixo o seu primeiro concerto en Detroit pouco tempo despois. Eles divorciáronse no ano 2000, despois de facerse famosos por todo o país, pero a banda sobreviviu.

Malia que Jack é o que normalmente canta na banda, Meg puxo as voces en "In the Cold, Cold Night", do seu cuarto disco Elephant, e en "Passive Manipulation", do seu quinto traballo Get Behind Me Satan. O seu estilo minimalista, que lembra a batería Maureen Tucker, da banda Velvet Underground, foi debate dos fans que falan da súa falta de habilidade.