Mauro Rodríguez Cuesta

Mauro Rodríguez Cuesta, nado en Vigo o 15 de xaneiro de 1932, é un exfutbolista galego, que xogaba nas demarcacións de dianteiro e de volante.

Mauro Rodríguez Cuesta

Biografía
Nacemento	15 de xaneiro de 1932 (93 anos) Vigo, España
Actividade
Ocupación	futbolista
Período de actividade	1948 -
Deporte	fútbol
Posición de xogo	Dianteiro
Traxectoria   Equipo 1950–1952   Ponferradina 1952–1953   Real Avilés 26 (19) 1953–1958   Celta de Vigo 108 (69) 1958–1960   Real Zaragoza 26 (10) 1960–1962   Levante UD 35 (16)

Traxectoria

Comezou xogando en equipos pequenos da cidade olívica pero enseguida se fixou nel o Celta de Vigo de onde marchou cedido dúas tempadas á Ponferradina e ao Avilés, onde conseguiu o Trofeo Pichichi de Segunda División Española.

Debutou no primeiro equipo o 27 de setembro de 1953 con ante o Deportivo da Coruña, que remataría con vitoria celeste por 3-1, esta primeira tempada xogaría 6 partidos marcando 2 goles fronte ao Osasuna.

Co Celta chegaría a vivir momentos importantes e a marcar goles fundamentais da historia celeste, como o gol marcado ao Valencia Club de Fútbol na penúltima xornada da tempada 1954-1955, ou a polémica sobre o gañador do Trofeo Pichichi entre el e Alfredo Di Stéfano, sendo oficialmente gañador non sen moita controversia.

Tras recibir moitas ofertar polo xogador o Celta acaba vendendo a Mauro ao Real Zaragoza tras 5 tempadas nas que marcou a impresionante cantidade de 69 goles, 2 goles cada 3 partidos. Co Zaragoza aínda xogaría dous anos máis na máxima categoría.

Equipos en primeira división

Tempada	Club	Partidos/goles
1953-1954	Celta de Vigo	6/2
1954-1955	Celta de Vigo	25/12
1955-1956	Celta de Vigo	28/24
1956-1957	Celta de Vigo	27/16
1957-1958	Celta de Vigo	22/15
1958-1959	Real Zaragoza	21/8
1959-1960	Real Zaragoza	5/2

Véxase tamén

Ligazóns externas

• Ficha do xogador en BDFútbol