María Rosario García Vázquez
María Rosario García Vázquez, nada en Sarria o 4 de outubro de 1902 e finada na Coruña o 28 de novembro de 1998, foi unha benefactora do concello de Sarria.
| Biografía | |
|---|---|
| Nacemento | 4 de outubro de 1902  Sarria, España |
| Morte | 28 de novembro de 1998 (96 anos) A Coruña, España |
Traxectoria
editarEra filla de Francisco García Alvaredo, natural de Viloalle (Mondoñedo), e de Pilar Vázquez López, de Vilar de Sarria. Funcionaria de Facenda na Coruña, xunto coa súa irmá Mercedes, adicou moitos recursos a atencións de obras sociais, asistenciais e de tipo relixioso. Fixo substanciosas apartacións económicas para a construción da Residencia de Anciáns "Nosa Señora do Carme" do Mazadoiro, e para a construción da nova igrexa parroquial de Sarria, dedicada á Nosa Señora do Rosario.
O Concello de Sarria adicoulles ás Irmás García Vázquez a rúa onde está situada a residencia. En 1994 acordou nomear a María Rosario García Vázquez filla predilecta de Sarria.