Manuel del Río Mandayo

Manuel del Río Mandayo, nado nos Ánxeles (Oroso) e asasinado en Santiago de Compostela o 5 de outubro de 1936, foi un político e sindicalista galego.

Manuel del Río Mandayo

Biografía
Nacemento	valor descoñecido Os Ánxeles, España
Morte	5 de outubro de 1936 cemiterio de Boisaca, España
Causa da morte	paseo, ferida por arma de fogo
Actividade
Ocupación	ebanista, gaiteiro, político
Partido político	Partido Socialista Obrero Español

Traxectoria

De profesión ebanista, tamén foi gaiteiro. Foi xulgado en consello de guerra en 1929 por insulto á forza armada. Na II República foi membro das Xuventudes Socialistas e despois pasou a militar no PSOE do que foi secretario xeral de Ordes. Co golpe de Estado do 18 de xullo de 1936 foi detido por un falanxista e conducido ao cárcere de Ordes onde foi torturado polo garda civil José Pérez Pérez. Foi paseado no cemiterio de Boisaca na madrugada do 5 de outubro de 1936. A pesar diso, foi posto en busca e captura polas autoridades franquista a finais de outubro de 1936.

Vida persoal

Casou con Pilar Naveira Golán e tivo catro fillos.

Véxase tamén

Bibliografía

• Pazos Gómez, Manuel (2011). A guerra silenciada. Mortes violentas na comarca de Ordes 1936-1952. Ordes: Asociación Cultural Obradoiro de Historia. pp. 39–40. ISBN 978-84-614-8181-1.