Manuel Crestar

Manuel Crestar Díaz, nado en Betanzos o 21 de decembro de 1900, foi un debuxante galego.

Manuel Crestar

Biografía
Nacemento	21 de decembro de 1900 Betanzos, España
Morte	século XX
Actividade
Ocupación	debuxante
Familia
Irmáns	Luisa Crestar
Descrito pola fonte	Enciclopedia Galega Universal,

Traxectoria

Estivo emigrado uns anos en Cuba. Pertenceu á Irmandade da Fala de Betanzos. Realizou a súa primeira exposición na Coruña en 1921. Durante a Segunda República simpatizou coas correntes progresistas da cultura e coas ideas libertarias; frecuentou na capital coruñesa o parladoiro de Luís Huici, xunto con Luís Seoane, Francisco Miguel, Xenaro Ruano, Álvaro Cebreiro e José Villaverde. Pasou a Guerra Civil en Madrid onde colaborou no periódico Galicia Libre, voceiro da Agrupación de Gallegos Libertarios. Trasladouse a Valencia en 1938, pertenceu á directiva da Agrupación de Gallegos Libertarios. Publicou os seus gravados e caricaturas en Galicia, Alfar, El Pueblo Gallego, Galicia Gráfica e Céltiga. Pasou a Francia en 1939 e alí se perde a súa pista.

Véxase tamén

Bibliografía

• Fernández, Eliseo; Pereira, Dionisio (2004). O anarquismo na Galiza. Santiago de Compostela: Positivas. p. 84. ISBN 84-87783-79-1. 

Outros artigos

• Luísa Crestar Díaz

Ligazóns externas

• O artista betanceiro Manuel Crestar. Entre a bohemia e o compromiso