Manuel Costa Casares
Manuel Costa Casares, nado en Agolada en 1934 e finado en Santiago de Compostela o 6 de febreiro de 2014[1], foi un político galego do PPdeG que foi 26 anos alcalde de Agolada.
| Biografía | |
|---|---|
| Nacemento | 1934  Agolada, España |
| Morte | 6 de febreiro de 2014 (79/80 anos) Santiago de Compostela, España |
 Alcalde de Agolada | |
| 1979 – 8 de novembro de 2005 (dimisión) ← Luís Yebra-Pimentel Vidal – Ramiro Varela Peón → | |
| Actividade | |
| Ocupación | político |
Traxectoria
editarRexentaba unha empresa de transporte de viaxeiros e mercancías. Nas primeiras eleccións democráticas presentouse encabezando a lista de UCD, obtendo cinco concelleiros, por seis de Alianza Popular, un de UG e outro do PSdeG. Os concelleiros de UG e PSdeG pactaron con UCD e permitiron gobernar a Manuel Costa. Nas eleccións de 1983 encabezou a candidatura de Coalición Independientes de Galicia (CIG) obtendo a maioría absoluta. Nas municipais de 1987, nas que se presentou polo PPdeG, volveu revalidar a maioría absoluta, que repetiu nas sucesivas eleccións. En novembro de 2005 decide abandonar a alcaldía, sendo substituído polo seu xenro Ramiro Varela Peón[2].
| Predecesor: Luis Yebra-Pimentel Vidal |
Alcalde de Agolada 1979 - 2005 |
Sucesor: Ramiro Varela Peón |
Notas
editar- ↑ J. Benito (6 de febreiro de 2014). "Falece esta madrugada o ex alcalde de Agolada, Manuel Costa Casares". La Voz de Galicia.
- ↑ Mónica G. Alonso (9 de novembro de 2005). "Un último pitillo como alcalde". Faro de Vigo (en castelán).