Lola Dopico
María Dolores Dopico Aneiros, nada no ano 1970 en Ferrol, é unha artista, profesora e investigadora galega.
 (2010)  | |
| Biografía | |
|---|---|
| Nacemento | 1970 (54/55 anos) Ferrol, España |
| Concelleira | |
| 2007 – 2012 Circunscrición electoral: Pontevedra | |
| Datos persoais | |
| Educación | Universidade de Salamanca Facultade de Belas Artes de Pontevedra |
| Actividade | |
| Ocupación | profesora, investigadora, artista |
   | |
Traxectoria
editarLola Dopico naceu e criouse en Ferrol. Descubriu as belas artes cando cursaba bacharelato e trasladouse a Salamanca para estudar a carreira. Licenciouse pola Universidade de Salamanca na especialidade de deseño. Nesa cidade, entre outras actividades, fixo prácticas na Televisión de Salamanca, en temas de produción, asistente en montaxe de escenas e participou nun proxecto cultural co artista e profesor Pedro Garhel que foi clave na súa carreira, segundo as súas declaracións.[1] O proxecto chamábase Abierto 94 e consistía nunha programación cultural arredor da performance coa participación de artistas nunha mesa redonda, contando con Pedro Garhel, Darío Corbeira, Isidoro Valcárcel e Marisa González. Dopico coordinou toda a actividade e supuxo un aprendizaxe fundamental para poñer en marcha un proxecto na súa totalidade como fixera en Abierto 94.
Trasladouse a Pontevedra para facer o doctouramento e sendo estudante obtivo unha praza de profesora asociada no área audiovisual, na Falcultade de Belas Artes da Universidade de Vigo, impartindo clases nas áreas de arte, deseño e tecnoloxía. En 1994, doutorouse en Belas Artes na Universidade de Vigo.[2][3]
Na súa tesis doutoral, Práctica artística en la era de internet. Net art en sus formas colectivas, investigou sobre as prácticas artísticas xurdidas e desenroladas desde a aparición da tecnoloxía da Internet, a identificación das súas formas propias e o potencial revulsivo do Net.art[4][5]
A súa carreira profesional está vinculada as novas tecnoloxías e o deseño[3]e segundo ela comenta, «a tecnoloxía non vai substituír a creatividade, porque a tecnoloxía é froito da creatividade».[6]
En 2005 impulsou a creación do grupo de investigación de cultura dixital DX7 desenvolvendo liñas de traballo onde converxen investigacións sobre arte e deseño. A ligazón común a compoñen as creacións feitas en Galicia durante os anos 80, centrándose nas disciplinas menos estudadas, como a videocreación, a ilustración ou a moda. En 2008 participou na International Conference of Design History and Design Studies en Osaka.[7]
Dirixe a escola de moda Esdemga (Estudos Superiores de Deseño Téxtil e Moda de Galicia) integrada na Facultade de Belas Artes da Universidade de Vigo. Dopico reivindicou desde o inicio da súa traxectoria a formación específica en deseño, tanto por ser unha demanda da sociedade como por ser un axente fundamental no desenrrolo económico de Galicia, onde o sector da moda é unha industria prioritaria.[8][9] Desde a primeira promoción de Esdemga, cada ano ten lugar a celebración do desfile "Debut", no que o alumnado acabado de titular presentan as coleccións que desenvolveron como proxectos finais da súa etapa formativa.[10][11]
Participa con Esdemga en encontros internacionais como a Graduate Fashion Week de Londres, onde foi a única representación española en 2018, e no Aristocrazy Design Bootcamp, onde se reuniron algunhas das consideradas escolas de deseño mais importantes do mundo.[12]
En 2020, Esdemga recibiu o Premio Cidade de Pontevedra[8]recoñecéndose co galardón de carácter pionero, especializado, innovador e en constante desenrolo ao longo da súa traxectoria. Además, salientaron a Lola Dopico no seu papel de directora, por ser a cara máis visible da Escola e o seu labor no «necesario camiño da paridade de xénero nas institucións e na representación pública».[13]
Lola Dopico é comisaria de exposicións, entre outrasː Inventario de Melania Freire (2015-2016), Relatos privados y Espacio público, colectiva (2013-2014), Hacer. Diseñar. Pensar. Piezas, experimentos y caminos del diseño (2013-2014).[14]Tamén forma parte do Consello asesor do Museo de Pontevedra.[15]
Polo seu compromiso coa igualdad de xénero, participa en actividades e proxectos como a visibilización de mulleres científicas contemporáneas da Universidade de Vigo.[16]
Desde 2024 é membro da Fundación Academia de la Moda Española.[17]
Política
editarFoi concelleira de Igualdade do concello de Pontevedra polo BNG, posto que ocupou entre 2007 e 2012 e que abandonou para centrarse no seu labor docente.[18]
Notas
editar- ↑ "RADIO.- A playlist de... Lola Dopico. Una mujer tejida junto a varios hombres". Pontevedra viva (en castelán). 2018-03-10. Consultado o 2024-11-22.
- ↑ "Lola Dopico". Consultado o 1 de xuño de 2018.
- ↑ 3,0 3,1 "Creadoras - Lola Dopico". Arquivado dende o orixinal o 12 de setembro de 2019. Consultado o 1 de xuño de 2018.
- ↑ "Resúmenes de tesis en idioma español". www.uoc.edu. Consultado o 2024-11-22.
- ↑ Dopico Aneiros, Dolores (2004). "Práctica artística en la era de internet. Net art en sus formas colectivas" (en castelán). Universidade de Vigo.
- ↑ "CREATIVIDAD Y TECNOLOGÍA" (en castelán). Consultado o 2024-11-22.
- ↑ "Unha investigación realizada por tres profesoras de Esdemga será presentada nun congreso internacional en Osaka - Universidade de Vigo". www.uvigo.gal (en castelán). Consultado o 2024-11-22.
- ↑ 8,0 8,1 ""É o premio de Pontevedra e Esdemga naceu moi pegada a esta cidade"". Faro de Vigo (en castelán). 2020-01-14. Consultado o 2024-11-22.
- ↑ Pontevedra, Diario de (2019-06-17). ""Rexeitar Deseño e Creación en Belas Artes foi un erro histórico"". Diario de Pontevedra (en castelán). Consultado o 2024-11-22.
- ↑ "Catorce colecciones desfilarán en Debut el próximo 22 de noviembre". Pontevedra viva (en castelán). 2024-11-12. Consultado o 2024-11-22.
- ↑ Pontevedra, Diario de (2024-11-12). "Debut, más que un desfile en Pontevedra: talleres, conferencias y exposición de las colecciones". Diario de Pontevedra (en castelán). Consultado o 2024-11-22.
- ↑ Pontevedra, Diario de (2018-05-15). "A Esdemga será a única representante española na Graduate Fashion Week de Londres". Diario de Pontevedra (en castelán). Consultado o 2024-11-22.
- ↑ Costas, Anxeles Pereira (2020-01-21). "Discurso dos Premios Cidade de Pontevedra 2019". Concello de Pontevedra. Consultado o 2024-11-22.
- ↑ ARTEINFORMADO (20140603). "Lola Dopico Aneiros. Comisario". ARTEINFORMADO (en castelán). Consultado o 2024-11-22.
- ↑ "Inicio - Museo de Pontevedra - Museo". Museo de Pontevedra. Consultado o 2024-11-22.
- ↑ "«Quero ser investigadora», un proxecto para visibilizar científicas actuais". Centro de Investigación Mariña da Universidade de Vigo - CIM - UVigo. 2020-03-11. Consultado o 2024-11-22.
- ↑ "Lola Dopico, miembro de la nueva Fundación Academia de la Moda Española". La Voz de Galicia (en castelán). 2024-07-26. Consultado o 2024-11-22.
- ↑ "La concejala del BNG Lola Dopico dejará el Concello para centrarse en su faceta docente". La Voz de Galicia. 11 de maio de 2012. Consultado o 1 de xuño de 2018.
Véxase tamén
editarWikimedia Commons ten máis contidos multimedia na categoría: Lola Dopico  |