Lithocarpus elegans

Lithocarpus elegans

Lámina de L. elegans no Instituto de Botánica
da Academia Chinesa de Ciencias

Reino:	Plantae
División:	Magnoliophyta
Clase:	Magnoliopsida
Subclase:	Hamamelidae
Orde:	Fagales
Familia:	Fagaceae
Xénero:	Lithocarpus
Especie:	L. elegans

Nome binomial

Lithocarpus elegans
(Blume) Hatus. ex Soepadmo, 1825

Lithocarpus elegans é unha especie de árbore pertencente á familia das fagáceas, do grupo dos chamados carballos de pedra, propio do leste de Asia, ao sur do Himalaia, a China e o Sueste asiático.

Características

Lithocarpus elegans é unha árbore que pode chegar até os 30 me de altura, cun tronco cun diámetro de até os 70 cm. A casca é de cor parda agrisada e está fisurada ou con lenticelas. As follas, coriáceas, miden até 17 cm de longo. As súas landras, de cor marrón, son ovoides ou arredondadas, miden até 2,5 cm de ancho, e son comestíbeis.^[1]

Distribución e hábitat

Lithocarpus elegans encóntrase no sur e no sueste de Asia, nunha ampla área que vai desde Nepal, até todo subcontinente indio, a China, Indochina e Malesia.^[1]^[2]^[3]

É característico da zona forestal perennifolia que se encontra até altitudes de entre os 1 800 e os 2 600 m no Himalaia Oriental.^[2] En zonas máis baixas habita en zonas de selva tropical húmida até os 1 500 m.^[1]

Uso

A súa madeira úsase localmente para obter leña e para fabricar carbón.^[1] É cultivado nalgunhas zonas como planta ornamental, e tamén para aproveitar os seus froitos como alimento.

Taxonomía

Descrición

Lithocarpus elegans foi descrita en 1825 polo naturalista e botánico alemán-neerlandés Carl Ludwig Blume, baixo o nome de Quercus elegans, e reclasificado en 1970 por S. Soepadmo nun traballo publicado en Reinwardtia 8: 221-260.^[4]

Etimoloxía

Para a do xénero, véxase Lithocarpus.

O epíteto específico elegans, é un termo latino que significa "elegante".^[1]

Sinónimos

Ademais de polo nome actualmente válido, a especie coñeceuse tamén por numerosos sinónimos.

(Ver a lista completa aquí).

Notas

↑ ^1,0 ^1,1 ^1,2 ^1,3 ^1,4 Soepadmo, E.; Julia, L.; Go, Rusea (2000). "Lithocarpus elegans (Blume) Hatus. ex Soepadmo". En Soepadmo, E.; Saw, L. G. Tree Flora of Sabah and Sarawak 3. Forest Research Institute Malaysia. pp. 55–56. ISBN 983-2181-06-2. Arquivado dende o orixinal (PDF) o 27 de setembro de 2013. Consultado o 12 de xullo de 2020.
↑ ^2,0 ^2,1 Lithocarpus elegans en Botanic Stories. Royal Botanic Garden Edinburgh.
↑ Lithocarpus elegans Arquivado 11 de xullo de 2020 en Wayback Machine. na World Checklist of Selected Plant Families. Reais Xardíns Botánicos de Kew.
↑ Lithocarpus elegans no GBIF.

Véxase tamén

Bibliografía

Camus, Aimee (1948): "Les chenes. Monographie des genres Quercus et Lithocarpus, Atlas vol. 3". Encyclopedie Economique de Sylviculture. 7: 152–165.
Kaul, Robert B. (1987): "Reproductive structure of Lithocarpus sensu lato (Fagaceae): cymules and fruits". Journal of the Arnold Arboretum. 68: 73–104.
Soepadmo, E. (1972): "Fagaceae". Flora Malesiana: Series I - Spermatophytes. 7: 265–403.

Outros artigos

[TFSS-1] 1,0 ^1,1 ^1,2 ^1,3 ^1,4 Soepadmo, E.; Julia, L.; Go, Rusea (2000). "Lithocarpus elegans (Blume) Hatus. ex Soepadmo". En Soepadmo, E.; Saw, L. G. Tree Flora of Sabah and Sarawak 3. Forest Research Institute Malaysia. pp. 55–56. ISBN 983-2181-06-2. Arquivado dende o orixinal (PDF) o 27 de setembro de 2013. Consultado o 12 de xullo de 2020.

[BH-2] 2,0 ^2,1 Lithocarpus elegans en Botanic Stories. Royal Botanic Garden Edinburgh.

[WCSP-3] Lithocarpus elegans Arquivado 11 de xullo de 2020 en Wayback Machine. na World Checklist of Selected Plant Families. Reais Xardíns Botánicos de Kew.

[G-4] Lithocarpus elegans no GBIF.

[1]

[2]

[3]

[4]