Laura Mintegi

Laura Mintegi Lakarra, nada en Lizarra (Navarra) o 26 de outubro de 1955, é unha escritora, profesora e política vasca. No ano 2012 foi candidata a lehendakari pola formación política Euskal Herria Bildu.

Laura Mintegi

Biografía
Nacemento	(eu) Laura Mintegi Lakarra 26 de outubro de 1955 (69 anos) Lizarra, España
Deputado do Parlamento do País Vasco
20 de novembro de 2012 – 31 de agosto de 2014 Circunscrición electoral: Biscaia
Deputado do Parlamento do País Vasco
20 de novembro de 2012 – 31 de agosto de 2014 – Iker Casanova Alonso (en)  → Lexislatura: X lexislatura do Parlamento Vasco Circunscrición electoral: Biscaia
Q89278619 Parlamento Vasco
21 de xaneiro de 2012 – xullo de 2014
Datos persoais
Educación	Universidade do País Vasco
Actividade
Ocupación	escritora, profesora universitaria, política
Empregador	Universidade do País Vasco
Partido político	Herri Batasuna Euskal Herria Bildu
Membro de	Universidade Vasca de Verán Euskaltzaindia

Traxectoria

Aínda que navarra de nacemento, dende nena vive en Biscaia, os primeiros anos en Bilbao e ultimamente en Algorta (Getxo).

É licenciada en Historia e doutora en Psicoloxía. Dende 1981 é profesora do Departamento de Lingua e Didáctica da Literatura da Universidade do País Vasco. Foi directora de Departamento dende o ano 1999 ao 2006 e, de novo, dende o 2010 até hoxe. Ademais é presidenta do PEN Club. Euskaltzaindia (a Academia da Lingua Vasca) nomeouna membro correspondente no ano 2006.

Atinxiu algúns premios literarios entre eles o Azkue de Novela, o da Cidade de Donostia e o Jon Mirande. Así mesmo foi membro do xurado doutros premios como o Certame de Narrativa María Maeztu, da Beka Joseba Jaka, do de Xornalismo Rikardo Arregi, do Anton Abaddia e do de Dereitos Humanos René Cassin. Colaboradora habitual quer nos medios audiovisuais (ETB, Hamaika Telebista, Bizkaia Irratia, Egin Irratia, Bilbo Hiria Irratia e Euskadi Irratia) quer nos escritos (Anaitasuna, Argia, Susa, Ttu-ttuá. Egin, Egunkaria, Gara, Berria, Jakin, Hegats e outros).

Traballos

Na base de dados da comunidade científica vasca Inguma, aparecen mais de 40 traballos escritos por Laura Mintegi.

Narración

• Ilusioren ordaina ("O prezo da ilusión"), 1983, Erein

Novela

• Bai… baina ez ("Si... pero non"), 1986, Susa. Reeditada en Elkarlanean, 1999.
• Legez kanpo ("Fóra da lei"), (1991, Elkar)
• Nerea eta biok ("Nerea e mais eu"), (1994, Txalaparta); traducido ao inglés.
• Sisifo maite minez ("Sísifo namorado"), (2001, Txalaparta); traducido ao castelán e holandés.
• Ecce homo (2006, Txalaparta); traducido ao castelán e alemán, e aparecido en alfabeto braille.

Ensaio

• Sujektibitatea euskal nobelagintzan: Stephen Crane-ren "The Red Badge of Courage" (A Subxectividade na novela vasca: "O vermello emblema da coraxe" de Stephen Crane) (1999, EHU - Universidade do País Vasco)

Biografía

• Julene Azpeitia (1988, Eusko Jaurlaritza- Goberno Vasco)

Obra traducida

• "La topera" en Antologia de la Narrativa Vasca Actual (1986, Edicions del Mall) (en castelán).

Notas

Ligazóns externas

• Laura Mintegi literaturaren zubitegian (en éuscaro)
• Subjektibitatea nobelagintzan. Stephen Crane-ren "The Red Badge of Courage" Arquivado 09 de decembro de 2012 en Archive.is (en éuscaro)
• Laura Mintegi Basque Literature-n (en éuscaro)