Lago Niassa
O lago Niassa (tamén coñecido como lago Malawi ou Nyasa en kiswahili) é un dos Grandes Lagos Africanos e atópase no Val do Rift, entre Malawi, Tanzania e Mozambique. Cunha orientación norte-sur, o lago ten 560 km de longo, 80 km de largura máxima e 700 m de profundidade.
(en) Lake Malawi  | |||||
| |||||
| Tipo | lago | ||||
|---|---|---|---|---|---|
| Parte de | Parque Nacional do Lago Malawi Grandes Lagos Africanos Lagos do Gran Val do Rift | ||||
| |||||
| Comparte fronteira con | Chintheche (en)  | ||||
| Afluentes | Ruhuhu River (en) ,Dwangwa River (en) ,Lilongwe River (en) ,South Rukuru River (en) ,Rio Songwe (pt) ,Lufilya (en) | ||||
| Efluente do lago | Río Shire | ||||
| Conca hidrográfica | Bacia do Zambeze (pt) | ||||
| Características | |||||
| Altitude | 474 m | ||||
| Profundidade | 704 m | ||||
| Dimensións | 75 ( ) × 570 ( ) km | ||||
| Perímetro | 1.245 km | ||||
| Atravesa | Malawi, Mozambique e Tanzania | ||||
| Superficie | 29.600 km² | ||||
| Superficie da cunca hidrográfica | 6.593 km² | ||||
| Medicións | |||||
| Volume físico | 8.400.000 hm³ | ||||
 | |||||
.jpg)
É o único lago no mundo que conforma unha rexión bioxeográfica específica, con preto de 400 especies endémicas de cíclidos descritas (arredor do 30 % de todos os cíclidos coñecidos no mundo) e probabelmente quedan aínda moitas por descubir. Estímase que ten unha idade de entre un e dous millóns de anos. Posto que se encontra nunha rexión tropical e é moi profundo, o lago está permanentemente estratificado, cun epilimnio máis quente sobre un hipolimnio máis frío. O nivel da auga varía coas estacións do ano e ten aínda un ciclo de longa duración, cos niveis máis altos en anos recentes, desde que existen rexistros.
Na lingua chiNyanja, falada na beira mozambicana do lago, niassa significa lago - tal como o propio nome do pobo que usa aquela lingua, os Nyanja, significa pobo do lago. En chewa, unha das linguas de Malawi, a palabra malawi significa ao nacer do sol, visto que, estando no occidente do lago, é desa forma que os habitantes de Malawi do sur ven nacer o día sobre o lago.
O Parque Nacional do Lago Malawi, no sur de Malawi, que abrangue a extremidade sur do lago, unha ducia de illas, unha rexión de reserva forestal e unha zona acuática até 100 m da costa foi inscrito pola UNESCO en 1984 na lista dos lugares que son Patrimonio da Humanidade.