Katie Holmes

Kate Noelle Holmes, máis coñecida coma Katie Holmes, nada en Toledo, Ohio, o 18 de decembro de 1978, e unha actriz estadounidense. Acadou a fama polo seu papel de Joey Potter en WB Television Network na serie de drama adolescente, Dawson's Creek de 1998 a 2003. Os seus papeis en películas abranguen xéneros coma o cine arte con películas como The Ice Storm, suspense coma Abandon, a éxitos de público coma Batman empeza.

Katie Holmes

(2009)
Biografía
Nacemento	(en) Kate Noelle Holmes 18 de decembro de 1978 (46 anos) Toledo, Estados Unidos de América
Residencia	Os Ánxeles
Educación	Universidade Columbia
Altura	175 cm
Cor dos ollos	Abelanado
Cor do pelo	Cabelo castaño
Actividade
Ocupación	actriz de televisión, directora de cinema, produtora, actriz de teatro, actriz de cinema, actriz
Período de actividade	1997 -
Obra
Obras destacables (1998-2003) Dawson's Creek
Familia
Cónxuxe	Tom Cruise (2006–2012), divorcio
Parella	Jamie Foxx (2013–2019)
Fillos	Suri Cruise  () Tom Cruise
Premios
(2000)  GLAAD Media Awards (pt) (1999)  Teen Choice Award for Choice TV Actress Drama (en) , premiado polo traballo Dawson's Creek
Descrito pola fonte	Obálky knih,

Katie Holmes

Traxectoria

Holmes naceu en Toledo, Ohio, sendo a máis nova nunha familia de cinco fillos (catro fillas e un fillo), de Kathleen A. Stothers, unha ama de casa, e Martin Joseph Holmes, Sr. (nado en 1945), un avogado especializado en divorcios. Os seus irmáns son Tamera (nada en 1968), Holly Ann (nada en 1970), Martin Joseph, Jr. (nado en 1970), que traballaba coma avogado en Ohio, e Nancy Kay (Blaylock), unha mestra (nada en 1975).

Cando aínda era cativa, asistiu á “Convención Internacional de Talento e Modelaxe”, en Nova York, e foi alí onde coñeceu a Al Onorato, un produtor e representante de artistas, quen notou o talento de Katie e convenceuna a viaxar a Os Ánxeles para actuar nun papel para a televisión. Finalmente, conseguiu o papel que a levaría á fama: converteuse en "Doce Joey", da popular serie Dawson's Creek.

A comezos do ano 2005, semanas despois de terminar a súa relación co actor Chris Klein, Holmes iniciou unha relación altamente publicitada co actor Tom Cruise, dezaseis anos maior ca ela. En xuño, dous meses despois do seu primeiro encontro, Holmes e Cruise formalizaron o seu compromiso de futuro matrimonio. Esta relación converteu a Holmes no branco da atención dos medios de comunicación internacionais, sendo moitos dos comentarios de corte negativo, incluíndo a especulación de que a relación era unha montaxe publicitaria para promover as películas protagonizadas pola parella. Malia que Holmes foi criada baixo a relixión católica ingresou na Igrexa da Ciencioloxía pouco despois de que a parella comezara a frecuentarse. O 18 de abril de 2006, deu a luz a Suri Cruise. O 18 de novembro ela e Cruise casaron en Italia.

Filmografía

• (1997) The Ice Storm
• (1998) Disturbing Behavior
• (1998-2003) Dawson's Creek
• (1999) Go
• (1999) Muppets from Space
• (1999) Teaching Mrs. Tingle
• (2000) Wonder Boys
• (2000) The Gift
• (2002) Abandon
• (2003) Phone Booth
• (2003) O detective cantante
• (2003) Pieces of April
• (2004) First Daughter
• (2005) Batman empeza
• (2005) Gracias por fumar
• (2008) Tres mulleres e un plan
• (2008) The Other Side