Josep Bernat i Baldoví

Josep Bernat i Baldoví, nado en Sueca o 19 de marzo de 1809 e finado o 1 de xaneiro de 1864, foi un escritor e poeta valenciano, célebre fundamentalmente polos seus sainetes. A súa obra máis coñecida é o sainete satírico-erótico El virgo de Vicenteta.

Josep Bernat i Baldoví

Biografía
Nacemento	19 de marzo de 1809 Sueca, España
Morte	31 de decembro de 1864 (55 anos) Valencia, España
Deputado no Congreso dos Deputados
Datos persoais
Educación	Universidade de Valencia
Actividade
Lugar de traballo	Madrid
Ocupación	escritor, poeta, político
Descrito pola fonte	Ensayo de un catálogo de periodistas españoles del siglo XIX (1903-1904), (sec:Bernat Baldoví (José), p.46)

Traxectoria

Estudou nas Escolas Pías e cursou Dereito na Universidade de Valencia. Aos 24 anos tivo un primeiro acceso de xordeira, enfermidade que o acompañou ata a morte e lle valeu o alcume de "Lo Sord" (O Xordo). No 1844 foi elixido deputado das Cortes Valencianas para Sueca e máis tarde, alcalde. Viviu algúns anos en Madrid, onde colaborou en periódicos humorísticos; unha parte desta produción en castelán foi recollida en El Sueco (1859). En catalán colleitou unha literatura sen pretensións cultas, satírica e marcadamente dialectal na linguaxe, que obtivo unha grande audiencia. Con José M. Bonilla e Pasqual Pérez i Rodríguez redactou os semanarios La Donsaina (1844), El Tabalet e El Sueco (1847).

Foi autor dos primeiros libros de falla (1855) e é considerado o iniciador do teatro popular valenciano, con obras como El gafaüt, Qui tinga cucs, que pele fulla, El virgo de Vicenteta, Pataques i caragols, La tertúlia de Colau, L'agüelo Pollastre etc. En castelán escribiu o drama Los pastores de Belén. Deixou escritos tamén algúns milagres para as representacións tradicionais da festa de San Vicente Ferrer: El mocador e La Fealdat i L’Hermosura. Os seus escritos reflicten o problema económico do agro valenciano durante a primeira metade do século XIX e transpiran un escepticismo irónico polo que respecta ás institucións constitucionais e administrativas da época

Obras

• L'agüelo Pollastre
• Batiste Moscatell o la Mona de Pasqua
• Col·lecció de quadres
• Un ensaio fet en regla o Qui no té la vespra, no té la festa
• Un fandanguet en Paiporta
• El Gafaüt
• Jeroni i Bartoleta o la viuda i l'escolà
• La lletjor i la bellesa, miracle
• El mocador, miracle
• El Virgo de Vicenteta i l'alcalde de Favara o El parlar bé no costa un patxo
• Pasqualo i Vicenteta o El tribunal de Favara
• Qui tinga cucs, que pele fulla o Obedecer al que manda
• El Rei moro de Granada
• La tertúlia de Colau, o Pataques i caragols
• Vicenteta la de Patraix

Véxase tamén

Ligazóns externas

• Obras dixitalitzadas de Bernat i Baldoví na Biblioteca dixital Lluís Vives (en catalán)