José Novas Regueira
José Novas Regueira, nado en Beluso (Bueu) o 21 de setembro de 1921 e finado en Boca Ratón (Florida) o 18 de xuño de 2002,[1] foi un publicista galego.
| Biografía | |
|---|---|
| Nacemento | 21 de setembro de 1921  Beluso, España |
| Morte | 18 de xuño de 2002 (80 anos) Boca Raton, Estados Unidos de América |
| Actividade | |
| Ocupación | publicista |
Traxectoria
editarEmigrou aos Estados Unidos de América con seis anos. Retornou pero volveu marchar en 1936. Traballou en Nova York e cando os Estados Unidos entraron na segunda guerra mundial alistouse na Mariña americana, onde foi tradutor militar conseguindo o grao de capitán. Ao remate da guerra fixo estudos de posgrao e publicidade na Universidade de Columbia. En 1949 foi nomeado director de publicidade internacional de Gillette. Fundou a súa propia axencia de publicidade, e foi pioneiro nas retransmisións deportivas por radio e televisión. Tamén fundou produtoras de TV en Iberoamérica. Desde 1969 estivo vinculada á multinacional da publicidade Leo Burnett como vicepresidente primeiro. En 1993 creou a Fundación Novas para beneficiar á xente de Beluso en lembranza da memoria do seu pai.
Recoñecementos
editarEn 1997 foi nomeado fillo predilecto do Concello de Bueu. En 2009 unha praza en Beluso leva o seu nome.[2]
Vida persoal
editarCasou con Patricia Fox, coa que tivo catro fillos, Steven, Robert, Paul e Patricia. En 1988, casou en segundas nupcias con Carmen Cruz.
Notas
editarVéxase tamén
editarLigazóns externas
editar- José Novas Regueira en Galegos.