José Luis Ochoa

José Luis Ochoa
Nome orixinal	José Luis Ochoa Álvarez
Biografía
Nacemento	26 de xuño de 1965 (59 anos); O Grove, España
Altura	1,77 m.
Actividade
Ocupación	futbolista
Deporte	fútbol

José Luis Ochoa Álvarez, nado no Grove o 26 de xuño de 1965, é un exfutbolista galego, que xogaba como centrocampista.

Traxectoria

Formouse na canteira do Celta de Vigo e xogou no filial deste, o Gran Peña. En setembro de 1984 debutou na Segunda División fronte ao Cádiz, durante a folga de futbolistas que provocou que os clubs aliñasen a xogadores xuvenís.^[1] Foi o seu único partido co Celta de Vigo. En 1986 fichou polo Compostela, co que xogou durante as seguintes sete tempadas, logrando ascender dende a Terceira ata a Segunda División. Disputou un total de 49 partidos co equipo santiagués na división de prata, todos eles con Fernando Castro Santos como adestrador. En 1993 deixou o Compos e fichou polo Pontevedra, co que xogou durante dúas campañas na Segunda División B.^[2]

Notas

↑ "Ochoa: Debut gracias a la huelga". fameceleste.com (en castelán). Arquivado dende o orixinal o 19 de xaneiro de 2022. Consultado o 21 de marzo de 2022.
↑ "José Luis Ochoa y Rafael Ferrer son ya nuevos jugadores del Pontevedra". La Voz de Galicia (en castelán) (Pontevedra ed.). 13 de agosto de 1993. p. 55.

Véxase tamén

Ligazóns externas

Datos do xogador en BDFutbol (en castelán).

[1] "Ochoa: Debut gracias a la huelga". fameceleste.com (en castelán). Arquivado dende o orixinal o 19 de xaneiro de 2022. Consultado o 21 de marzo de 2022.

[2] "José Luis Ochoa y Rafael Ferrer son ya nuevos jugadores del Pontevedra". La Voz de Galicia (en castelán) (Pontevedra ed.). 13 de agosto de 1993. p. 55.

[1]

[2]