José Fernández González

José Fernández González, Rizo, nado en Ferreiros (Entrimo) o 15 de novembro de 1915 e finado en Ourense o 22 de decembro de 1942, foi un guerrilleiro antifranquista galego.

José Fernández González

Biografía
Nacemento	15 de novembro de 1915 Ferreiros, España
Morte	22 de decembro de 1942 (27 anos) Ourense, España
Causa da morte	pena de morte, ferida por arma de fogo
Outros nomes	Rizo
Actividade
Ocupación	maquis
Carreira militar
Conflito	guerra civil española

Traxectoria

Cando en xaneiro de 1937 a súa quinta foi mobilizada, fuxiu para Ribeiro de Baixo, na freguesía de Castro Laboreiro, o 17 de xaneiro. O 21 de xaneiro de 1937 foi detido o seu pai Antonio Fernández como chantaxe para obrigalo a presentarse. Foi xulgado en Ourense por rebelión e declarado en rebeldía. Traballou de zapateiro en Portugal. Procesado en 1941, foi detido ao ano seguinte e xulgado en consello de guerra o 16 de novembro, acusado de rebelión militar e condenado a pena de morte. Foi fusilado no Campo de Aragón (Ourense) o 22 de decembro de 1942.

Véxase tamén

Bibliografía

• Alonso Santos, Román (2016). Saltando a raia. Guerrilla republicana no suroeste ourensán (1939-1943). Ponteareas: Novas do Eixo Atlántico. pp. 82–83, 86–88, 266. ISBN 978-84-608-9994-5.