José Bóveda Formigo
José Bóveda Formigo, coñecido como Pepe Bóveda, nado en Ventosela (Ribadavia) cara a 1912 e finado na mesma parroquia o 16 de xullo de 2007, foi un sindicalista e político galego.
| Biografía | |
|---|---|
| Nacemento | c. 1912  Ventosela, España |
| Morte | 16 de xullo de 2007 (94/95 anos) Ventosela, España |
| Actividade | |
| Ocupación | sindicalista |
 | |
Traxectoria
editarDurante a Segunda República foi un dos fundadores da Sociedad de Agricultores de Valdepereira, adscrita á CNT do Ribeiro.[1] Co golpe de Estado do 18 de xullo de 1936 participou na resistencia asaltando a casa cuartel da Garda Civil de Ribadavia e foi detido. Xulgado en Ourense por rebelión militar foi condenado a cadea perpetua. Trasladado o 26 de xuño de 1937 á prisión do Forte de San Cristovo de Pamplona, participou na fuga do 22 de maio de 1938, xunto con outros 1 085 presos; pero foi detido. Foi condenado a 17 anos máis de cadea. Revisada a súa condena, saíu á rúa en setembro de 1945 e regresou a Ribadavia.
Pola presión dos fascistas locais, tivo que emigrar a Barcelona en 1947. Traballou na empresa municipal de electricidade Construcciones Eléctricas onde contactou coa CNT. Tras xubilarse, regresou ao Ribeiro. Finou en Ventosela con 95 anos.[2]
Recoñecementos
editarEn 2002 recibiu unha homenaxe dos Amigos da República de Ourense.[3]
Vida persoal
editarCasou en Ribadavia con María del Pilar Feijóo-Montenegro Vázquez-Campo en agosto de 1957.[4]
Notas
editar- ↑ Valdepereira: agrarismo e anarquismo no Ribeiro
- ↑ Fallece Bóveda, preso de la dictadura que lideró la fuga de un penal navarro
- ↑ "Amigos da República honran ó fundador da CNT no Ribeiro", La Voz de Galicia, 13-3-2002, p. 10.
- ↑ El Pueblo Gallego, 1-9-1959, p. 12.