Jorge Verstrynge

Jorge Verstrynge Rojas, nado en Tánxer o 22 de setembro de 1948, é un politicólogo franco-español, doutor en Ciencias Políticas, e profesor titular desa materia na Universidade Complutense de Madrid. Está especializado en Xeopolítica, Partidos Políticos, Mundialización e Inmigración.

Jorge Verstrynge

(2009)
Nome orixinal	(es) Jorge Verstrynge Rojas
Biografía
Nacemento	22 de setembro de 1948 (76 anos) Tánxer, Marrocos
Deputado no Congreso dos Deputados
7 de xullo de 1986 – 2 de setembro de 1989 Lexislatura: III lexislatura de España Circunscrición electoral: Circunscrición electoral de Madrid Electo en: Eleccións Xerais 1986 en España
Deputado no Congreso dos Deputados
12 de novembro de 1982 – 15 de xullo de 1986 Lexislatura: II lexislatura de España Circunscrición electoral: Sevilla Electo en: Eleccións Xerais 1982 en España
Secretario Xeral Alianza Popular
1979 – 1986 ← Manuel Fraga Iribarne – Alberto Ruiz-Gallardón →
Datos persoais
Residencia	Madrid
Relixión	Ateísmo
Educación	Universidade Complutense de Madrid - socioloxía, ciencia política (–1976) Universidade Complutense de Madrid - ciencia política, socioloxía (–1972)
Director de tese	Luis González Seara
Actividade
Campo de traballo	Socioloxía militar e Xeopolítica
Lugar de traballo	Madrid
Ocupación	político, analista político, profesor universitario, sociólogo
Empregador	Universidade Complutense de Madrid
Partido político	Podemos (2014–) Partido Socialista Obrero Español (1993–2003) Alianza Popular (1976–1986) Reforma Democrática (1976–1977)
Familia
Cónxuxe	Mercedes Revuelta (1995–) María Vidaurreta (1972–1989), divorcio
Fillos	Sigfrido Verstrynge Vidaurreta  () María Vidaurreta Eric Verstrynge Vidaurreta  () María Vidaurreta Lilith Verstrynge  () Mercedes Revuelta René Verstrynge Revuelta  () Mercedes Revuelta

Traxectoria

Pasou a infancia na súa cidade natal, a mocidade en Francia e posteriormente trasladouse a España a cursar Ciencias Políticas e Socioloxía (especialidade en Estudos Internacionais), na Universidade Complutense de Madrid, licenciándose en 1972. Doutorouse en 1976 coa tese Los efectos de la guerra en la sociedad industrial.

Comezou a súa carreira política no seo do neofascismo francés, evolucionando despois cara ao nacionalcomunismo, segundo confesa no seu libro Memorias de un maldito. Alumno de Manuel Fraga na universidade, foi un dos fundadores de Reforma Democrática, embrión do que logo sería Alianza Popular. Foi deputado nacional (1982-1989) e Secretario Xeral de Alianza Popular entre 1979 e 1986, aínda que con anterioridade ocupara a Secretaría de Acción Territorial (1976-1978) e a Secretaría de Organización (1978-1979). Candidato á alcaldía de Madrid no 1983 por AP, resultou derrotado polo socialista Enrique Tierno Galván. Tras verse obrigado a dimitir polo seu enfrontamento con Manuel Fraga o 1 de setembro de 1986, evolucionou ideoloxicamente para posturas políticas socialistas e europeístas e, actualmente, marxistas e antimundializadoras.

Formou parte do Partido Socialista Obreiro Español, aínda que sen ocupar ningún cargo de importancia. Posteriormente foi asesor do político comunista catalán Francisco Frutos, ao que dixo considerar un político sincero e intelixente.

Obras publicadas

Ensaio

• Una sociedad para la guerra, 1979.
• Memorias de un maldito, 1999.
• La guerra periférica y el Islam revolucionario, 2005.
• Rebeldes, revolucionarios y refractarios, 2006.
• Frente al Imperio, 2007.
• Proteccionismo y economías de gran espacio, 2009.
• ¡Viva la desobediencia!, 2011, Península.
• Contra quiénes luchar, 2013, Península.

Véxase tamén

Ligazóns externas

• Blog de Jorge Verstrynge (en castelán)